Page 198 - Pure Life 05

/
(

212 PURE LIFE, Vol.3.No.5, (Ramadan Al-Mubarak 1437. Khordad 1395. June 2016)

İnsanlar yalnız ümumi məsələlərdə ortaq fikrə
gələ bilərlər. Buna nümunə olaraq bütün insanlar
tərəfindən həqiqətin sevilməsini misal gətirmək
olar. Adətən hər bir insan, dinindən və
məzhəbindən asılı olmayaraq, həqiqəti sevir və
özünü haqqın tərəfdarı kimi qələmə verir.
Əməl vaxtı gəldikdə isə yaşadıqları mühitə
uyğun və düşüncələrinə əsasən həqiqətə əməl
edirlər. Elə bu əməl və rəftarlar nəticəsində də,
müxtəlif fikirlər meydana gəlir. Bu fikirlər cüzi və
bəzən də gözə çarpan fərqlərə malik olurlar. Lakin,
bununla belə onların daxilində böyük bir müştərək
məna mövcuddur. O məna, həqiqəti sevmək və ona
inamdır. Buna əsasən şiə və sünnü arasında olan
bəzi ziddiyyətlərə təbii yanaşmaq lazımdır.
Əsas məsələ, hər iki məzhəbi dinin köklü
məsələlərində (Allahın varlığı və birliyi, İlahi
peyğəmbərlik, axirət aləmi və s.) həmrəy
olmalarıdır. Bu isə onların arasında mövcud olan
bir sıra ixtilaflara göz yummaq və birbirinə hörmət
etmələri üçün kifayətdir. Axı nəyə görə Allahı,
Peyğəmbəri, Quranı və qibləsi bir olan, insanları
əxlaq və mənəviyyata dəvət edən iki məzhəb
birbirinə qarşı soyuq münasibət göstərməlidirlər?!