Page 213 - Pure Life 05

Real Və Virtual Aləmdə Çıxış Etmək/ 197

Həmçinin, ruhani unutmamalıdır ki, milli-mənəvi
dəyərlərimizdən biri olan məscidlər, təkcə axirətimiz
üçün deyil, gündəlik həyatımızda da, düzgün istifadə
edildiyi zaman bir çox inkar olunmaz faydalara
malikdir.
Məsumların (ə) göstərişlərinə düzgün və
məsuliyyətli şəkildə yanaşılarsa, insani hisslərin
aşılandığı bu müqəddəs məkanda insanlar təkcə dini
təlimləri-tövsiyələrdən bəhrələnməklə kifayətlənməz,
həm də bir-biriləri ilə çox rahat formada ünsiyyət
yarada və qaynayıb-qarışa bilər.
Qardaşlıq prinsipi əsasında rəftar etməyin
zərurətinin çatdırılmasının vacib olduğu bu müqəddəs
məkanda, insanlara bir-birilərinin qeydinə qalmaq,
qəm-qüssəsini aradan qaldırmaq, cəmiyyətdə bir fərd
kimi qarşı tərəfin hüquqlarını riayət etmək, bir-
birilərinin çətinlikləri qarşısında məsuliyyətli olmaq
və sair ilahi tövsiyələr verilməlidir. Həzrət İmam Rza
(ə) buyurur:
"Məscidlərdə qılınan camaat namazı insanların (Allah
qorxusu ilə) bir-birilərinə kömək əli uzatmalarına, ümumi
mənafelər xatirinə həmkarlıq etmələrinə, çətinlikləri birgə
aradan qaldırmalarına, dindarlıqda və Allaha sitayiş
etməkdə, həmçinin bir çox günahların qarşısını almaqda
1
yardım göstərmələrinə səbəb olar".

1. Biharül-ənvar, c. 88, səh. 12.