Page 226 - Pure Life 05

(

/
184 PURE LIFE, Vol.3.No.5, (Ramadan Al-Mubarak 1437. Khordad 1395. June 2016)

Bu duyğu düzgün yönləndirildiyi zaman, insana
inam, yaşamaq hissi, səbirli olmaq, insanlığa
ehtiram bəsləmək, ilahi və bəşəri hüquqları riayət
etmək, xeyirxahlıq, fədakarlıq, əfv etmək, güzəştə
getmək, laqeyd qalmamaq, şəfqətli və sədaqətli
olmaq, həmrəylik, mübarizə və sair kimi dəyərli
xislətlər bəxş edir.
Həqiqi iman, insanı aqressivlik, təcavüzkarlıq,
dünyapərəstlik, xəsislik, riyakarlıq, paxıllıq və sair
kimi çirkin xasiyyətlərdən qoruyur. İmanlı insan
yalnız Allaha bel bağlamaqla müxtəlif ağır
çətinliklərin öhdəsindən asanlıqla gəlir. Həqiqi
iman insanı radikallığa, cinayətə və terrora
yönəltmir. Həqiqi iman, insanı paklığa, təmizliyə,
izzət və şərəf dolu həyata yönləndirir.
Buna görə də, dinin rolunu qeyd etdiyimiz zaman,
onun haradan və hansı şəkildə mənimsənildiyinə
diqqət etmək lazımdır. Unutmayaq ki, elm və biliyin
nəticəsində yaranan iman, xurafata aparmır. Hansı
iman ki, elmsiz və bilikiz yaranıb, o iman mütləq
xurafata və fanatizmə aparıb çıxarır.
Elmsiz iman, insanda aqressivlik və əsəbilik də
yaradır, insanın həyatında problemlər və başqalarına
qarşı kobudluq, eləcə öz psixologiyasında iztirablar
əmələ gətirir. Təsəvvür edək ki, dini mətnləri
öyrənərək, yalnız etiqadı və inamı yüksək səviyyədə
olan ilahiyyatçı, elm, ağıl-məntiq, düşüncə və
uzaqgörənlikdən məhrum olduğu zaman təhlükəli
nəticələr əldə ediləcəkdir.