Page 9 - Islamic Studies 01

Baş redaktordan
Mütərəqqi ölkələrin inkişafında əsas səbəblərdən biri də, insanları
təhsilə həvəsləndirməklə yanaşı, onları elmin müxtəlif sahələrində
araşdırmağa sövq etdirmək, maddi və mənəvi cəhətdən ruhlandırmaq,
sonda tədqiqat nəticəsində yeni bilgilər qazanmaqdır. Şübhəsiz, əgər bir
ölkədə elm öyrənməklə yanaşı, tədqiqat sahəsinə xüsusi yer ayrılarsa, o
ölkənin gələcəyi də parlaq olacaq. Çünki təhsil, sadəcə bilinəni
bilməyənlərə öyrətməkdir, elmi araşdırma isə ümumiyyətlə
bilinməyənləri tapmağa, kəşf etməyə çalışmaqdır. Dünyada olan hər
növ inkişaf, təhsil sisteminə borclu olduğu qədər tədqiqata da
borcludur. Hətta bəzən elmi araşdırmalar və hər hansısa bir tezis
üzərində işləmək, elmin tərəqqisi üçün təhsildən daha çox faydalı olur.
Çünki təhsildə həmişə eyni bilgilər və müəyyən olunmuş məlumatlar
ötrülür, lakin tədqiqat nəticəsində daim yeni sürprizlərlə qarşılaşırıq.
Təbii ki, bu yenilik təhsilin də yenilənməsinə səbəb olur.
Təbii ki, arzuolunan elmi bir işin əsas şərti var; tədqiqatçı şəxs,
araşdırma apardığı sahədə müstəqil şəkildə hər bir detalı dəqiq
araşdırmalı, lazım olan yerdə isə tənqidçı olmalıdır. Bunun üçün də
münbit şəraitin olması qaçılmazdır.
Biz bu jurnalı ərsəyə gətirməklə, öz tələbələrimizin elmi
araşdırmalarına əhəmiyət verdiyimizi göstərmək istədik. Təbii ki,
onların yazı işində bir sıra nöqsanlar ola bilər, amma əsas odur ki, əziz
tələbələrimiz bu önəmli yolda əzmlə addımlayırlar. Ümid edirəm,
“İslam Araşdırmaları Jurnalı”nın bu sayında dərc olunan məqalələr, siz
əziz oxucular üçün səmərəli olsun.

PhD.TofiqƏsədov
Əl-Mustafa Beynəlxalq Virtual Universiteti İslam Araşdırmaları
İnstitutunun Sədri, Əl-Mustafa Beynəlxalq Universiteti Elmi Heyətinin
Əsas Üzvü