Page 11 - Islamic Studies 01

10) / İSLAM ARAŞDIRMALARI JURNALI Birinci il, birinci buraxılış, (payız-qış/2022)
,

qardaş və bacılarımla bölüşərək anlaşılması çətin olan
dövrümüzdə İslam ümmətini mövcud qlobal durum və
vəziyyətlə tanış etmək və eyni zamanda müasir zamanı
bərabərcə tanıyaraq virtual aləmin təsirlərini də nəzərdə alaraq
düzgün qiymətləndirmək üçün maariflənməyə baş vurmaqdır.

Açar sözlər: İslam, virtual, qloballaşma, sosial şəbəkələr,
qərb, müsəlmanlar, əxlaqi problemlər.

Giriş
Yaşadığımız müasir dövr öz qəribəlikləri və dəyişmə sürəti ilə
diqqət çəkir. İnsanlıq tarix boyu öz təkamülündə insan olma
qayəsinə doğru irəliləmiş və bu işdə Allahın rəhməti ilə
göndərilən nəbilərin böyük rolu olmuşdur. Belə ki, insanlıq öz
fitri məqsəndindən uzaqlaşdığı və fəsad törətməyə başladığı
zaman Allah tərəfindən göndərilən nəbilər vasitəsi ilə təkrar
hidayət yolunu əldə etmiş və həqiqi məqsədə doğru
irəliləməyə davam etmişdir.
Lakin Miladın 18-ci əsrinin sonlarından başlayaraq bir sıra
Avropa ölkələrində elmi-texniki tərəqqinin fonunda əldə
olunan elmi nailiyyətlərin hərbi sahələrdə tətbiqi Avropada
gücü nəzarətdə saxlayan qurumlara yeni müstəmləkələr
qazandırdı. Qeyri adi texnoloji güc qazanan avropalılar
dünyanı bölüşdürmə uğrunda müharibələrə qalxdılar. 20-ci əsr
iki dünya müharibəsinə şahidlik etdikdən sonra, dünyaya yeni
düzən gətirildi. Bu düzən, BMT adlı qurumun yaradılması və
onun təhlükəsizlik şurası adlı üst qurumuna 2-ci dünya
müharibəsində qalib gəlmiş 5 daimi üzv ölkələrinin (ABŞ,
SSRİ, Fransa, Britaniya və ÇXR) idarəçiliyi altında yaradılan
yeni dünya düzəni adlandı. Bu düzən 20-ci əsrin sonlarına