Page 167 - Islamic Studies 06

Əxlaqi inhiraflardan bir-birini qorumaqda cütlərin rolu

Məlahət Rəcəbova

Abstrakt
Yalnız fərdlərin həqiqətə malik olmasına inanan, cəmiyyəti
sadəcə zehn və xəyalın uydurması kimi təsəvvür edən fəlsəfi
ideologiyanın əksinə olaraq İslamda və onun hüquqi
sistemində ailə cəmiyyəti özünəməxsus həqiqətə və xüsusi
hökmlərə malikdir. İslamın müxtəlif hüquq kitablarına nəzər
saldıqda bu həqiqətin müxtəlif yönləri aşkar surətdə görünür.
Cəmiyyət müxtəlif ailələrin birləşməsindən yaranır və bu iki
təşkilatın hər birinin səadəti digərindən asılıdır.
Əgər ailənin təməli möhkəm olarsa, cəmiyyətdə də birlik
möhkəm olacaqdır. Amma əgər ailənin təməli qeyri-sabit və
süst olarsa, habelə, əgər ailə münasibətləri yalnız cinsi istək və

qərizələrin təmin olunması ilə məhdudlaşarsa, ictimaiyyətin
quruluşu qısa müddətdə sarsılaraq dağılar və öz mahiyyətini
itirər.
Açar kəlmələr: Quran, Hz. Peyğəmbər (s), ailə, səadət,
cəmiyyət, cütlük