Page 107 - Islamic Studies 01

,
106) / İSLAM ARAŞDIRMALARI JURNALI Birinci il, birinci buraxılış, (payız-qış/2022)
olmaq, bütün məsələlərdə onlara etibar etməklə onların
arxasınca getmək və onları rəhbər və nümunə olaraq
götürməyə deyilir.ə

Açar sözlər: Quran, Peyğəmbər (s), Əhli-beyt (ə), Təba-təbai,
əl-Mizan, təqlid, itaət

Müqəddimə
Biz indiyə kimi təqlidi ancaq fiqhi termin kimi tanıyırdıq, bu
isə müctəhidlərə təqliddən ibarət idi. Bu təqlidin ancaq zahiri
cəhəti idi. Ancaq müctəhidlərə təqlidin əsil mahiyyətini təşkil
edən onun batini cəhəti, əslində Alahın, Onun Peyğəmbərinin
(s) və Əhli –beyt İmamlarının (ə) itaətində və tabeçiliyində
olmaq deməkdir. Buradan belə bir nəticə hasil olur ki, biz
müctəhidlərə olan təqlidimizə, sadəcə hər hansı fəqihə olan
təqlid kimi yox, Allah-təalanın itaətində qalmaqla, Peyğəmbər
(s) və Əhli-beytin (ə) itaət və təqlidində olmaq kimi qəbul
etməliyik. Bunun başqa anlam yolu da yoxdur. Bizim
müctəhidlərə təqlidimizi ancaq onun zahiri ilə qəbul edərək
tanımağımız, bir çoxlarında buna qarşı əks münasibətin
yaranmasına gətirib çıxarır ki, bu da bir çoxlarının təqliddən
qaçmağına səbəb olur. Bu səbəbdən Peyğəmbər (s) və Əhli –
beytə (ə) təqlid məsələsini Qurani –Kərim cəhətindən
araşdırmağımıza bir ehtiyac duyulur.