Page 46 - Islamic Studies 01
P. 46
Quranda uşaq hüququ
1
Nigar Məmmədova
Abstrakt
İslam dininin ən başlıca mənbəyi Qurandır. O sonuncu və
kamil dinin kitabı olaraq bəşəriyyətə, insanlığa lazım olan
bütün sahələri özündə ehtiva edir. Bu mənada insanlığın
mühüm bir hissəsi olan uşaqlar, onların hüquq və vəzifələri,
tərbiyə əsasları, təmin olunma hüquqları, təkamül mərhələləri,
ailə qurmaq və cinsi tərbiyə və digər əhəmiyyətli məsələlər
barədə Allahın insanlara yönəlmiş göstərişlərini Qurandan,
Onun sonuncu elçısı olan Həzrəti Peyğəmbərimizdən (s) və
“ixtiyar sahibləri” olan Əhli-beytdən (ə) öyrənməyimiz ən
düzgün yoldur.
Qurani-Kərimdə uşaqların hüquq və vəzifələri valideynlərə,
həmçinin daha geniş auditoriyaya müfəssəl şəkildə
çatdirilmaqdadır. Böyüklərin bir şox hüquqları olduğu kimi,
uşaqların da özünəməxsus hüquqları vardır. Uşaq öz
valideynləri və ya qəyyumları tərəfindən tərbiyə olunmaq, öz
maraqlarının təmin olunması, hərtərəfli inkişafı, onun
ləyaqətinə hörmət olunması, müdafiə olunmaq və digər
hüquqlara malikdir. Həmçinin uşaq valideynləri, ailə üzvləri
və başqa qohumları ilə ünsiyyətdə olmaq hüququna malikdir.
1. İslam Araşdırmaları fakültəsinin məzunu, İslam Araşdırmaları institutu, Əl-
Mustafa Beynəlxalq Virtual Universiteti, Qum, İran.
