Page 50 - Islamic Studies 01

Quranda uşaq hüququ / (49

indiyə, yoxsulluq qorxusunun gələcəyə aidliyi ola bilər.
Əvvəlcə “sizə və övladlarınıza ruzi verərik”, sonra isə
“övladlarınıza və sizə ruzi verərik” buyurulur. Bu ayələr
cahiliyyət dövrünün böhranlı iqtisadiyyatının simasını
göstərir. Bugünkü dünyamızda iqtisadı problemlər və
cəmiyyətin artımından nigaran olanlar çıxış yolunu doğuşların
qarşısını almaqda görürlər. Bu da bir növ cahiliyyətdir.
Övladın yaşamaq haqqı var, valideyn onu bu haqdan məhrum
etməməlidir. Yoxsulluq zərərindən qorxu gunah və
başqalarının hüququnun pozulması üçün səbəb ola bilməz.
İnsanın İlahi zəmanətə əminliyi onun günahlarına mane olur.
Unutmayaq ki, Allah ata-anadan mehribandır və Ona
bədgüman olmayaq.
Müqəddəs Kitabımızın Bəqərə surəsinin 233-cu ayəsində
analıq hisslərinə diqqətdən, ana südünün əhəmiyyətindən,
körpənin südə təbii ehtiyac ölçüsündən və südvermə
müddətindən bəhs edilir: “Südvermə dövrünü kamala
çatdırmaq istəyən analar övladlarına tam iki il süd versinlər.
Bu anaların yeməyi və geyimi yaxşı bir vəchlə övlad sahibinin
öhdəsinədir. Heç kimə gücündən artıq vəzifə tapşırılmaz. Heç
bir ana və heç bir ata öz övladına xatir zərərə düçar
olmamalıdır. (Ata olmadıqda ananın yeməyi və geyimi) onun
varisinin boynunadır. Əgər ata və ana bir-birləri ilə razılıq və
məsləhət əsasında körpəni (iki il tamam olmamış) süddən
ayırmaq istəsələr, onlar üçün günah yoxdur. Əgər övladınıza
dayə tutmaq istəsəniz, sizin üçün günah deyil. Bir şərtlə ki,
bəyənilmiş halda müəyyənləşdirdiyinizi ödəyəsiniz. Allahdan
çəkinin və bilin ki, Allah əməllərinizi görəndir.”
Ayədə ata, ana və övlad haqqında “əb” və “umm” sözləri yox,
“valid” və “validə” sözləri işlədilmişdir. Çünki, “əb” və