Page 225 - Islamic Studies 02

Quran baxışında imanın dini maarifləndirmədə
rolu

1
Rza Salmanov

Xülasə
Ruhanilər Peyğəmbərimizin (s) ağır məsuliyyət tələb edən
vəzifəsini davam etdirilər. İnsanları ilahi həyata, diriliyə sövq
edirlər. Çünki pak etiqadın və saleh əməllərin cəmiyyətdə
yayılması birbaşa onun fərdlərinin mənəvi dirçəlişinə və
inkişafına xidmət göstərir. İmanın nurunda onlar hidayət
olunurlar. O cümlədən; xurafatlardan uzaq durmaq, düzgün
etiqada malik olmaq, rəhmli, mərhəmətli olmaq, güzəştə gedib,
bağışlamaq, ehtiyaclı insanlara əl tutmaq, səbirli olmaq, elm və
mənəviyyata üz gətirmək, vətəni sevmək, paklıq və
təmizkarlıq, nəzm-intizam, ədalətli-insaflı olmaq, insanların
hüquqlarına hörmətlə yanaşmaq, laqeyd qalmamaq, insanları
sevmək, gözəlliyə dəyər vermək, qəlbləri sevindirmək və sair
kimi yüzlərlə pak dəyərləri saymaq olar. Dinimiz daim bu
dəyərlərə təkid edib, insanları ona doğru səsləyir. Əslində din
və mənəviyyat dediyimiz məhz elə bunun kimi dəyərlərdir.
Məhz belə ilahi dəyərlər insanı kamilləşdirir. İnsana həyat
bəxş edir. Əsl insani həyat da, elə bu pak əməllərin nəticəsində
əldə edilir. Bu barədə Qurani-kərimdə buyurulur: İslam dinini
insanlara yaymaqla məşğul olan şəxs, uzaqgörən, geniş dünya
görüşə malik və gələcək haqda perspektivlərə sahib olmalıdır .

1. İslam Araşdırmaları fakültəsinin məzunu, İslam Araşdırmaları institutu, Əl-
Mustafa Beynəlxalq Virtual Universiteti, Qum, İran.