Page 40 - Islamic Studies 01

Səqəleyn hədisinin şiə və... / (39

Əhli-Beyt və Əhli-sünnə məzhəbləri qardaşlarının hədis və
təfsir alimləri bu geniş xütbənin tam və ya bəzi hissələrini öz
kitablarında nəql etmişlər.
Burada tanınmış təfsir alimi Şeyx Əbül-Fütuh Razinin nəqlini
ixtisara riayət edərək nəql edirik: “.....Həzrət Peyğəmbər (s)
“Qədir-Xum” xütbəsində buyurdu:
“Mən sizin aranızda iki ağır şeyi əmanət qoyuram. Əgər onlara
itaət etsəniz, heç vaxt yolunuzu azmazsınız. (Onlar) Allahın
kitabı və mənim Əhli-beytimdir.
Xəbir (xəbərdar) və lətif olan Allah mənə xəbər vermişdir ki,
onlar (Kövsər) hovuzunun kənarında mənimlə görüşənə qədər
bir-birindən ayrılmayacaqlar.”
Sonra buyurdu: “İlahi, görəsən, (öhdəmə qoyulan risaləti)
çatdırdımmı?”
Daha sonra əlavə etdi: “(Ey camaat)! Mən sizin üçün
özünüzdən daha üstün deyiləmmi?”
Onlar cavab verdilər: “Bəli”.
Peyğəmbər (s) buyurdu: “Mən hər kimin mövlasıyamsa, Əli də
onun mövlasıdır. İlahi! Onu sevəni sev və onunla düşmənçilik
edənlə düşmən ol! İlahi ona kömək edənə kömək ol və ona öz
köməyini əsirgəyəni zəlil et!”
Sonra bu məsələni xalqa çatdırdığı barədə səhabələrdən
şahidlik və etiraf alaraq buyurdu: “İlahi! Sən özün onlara şahid
1
ol!”
Beləliklə də, İslam dininin əziz peyğəmbəri (s) ilahi fərmana
əsasən “Qədir-Xum” adlı məkanda Əli ibn Əbu Talibi (ə)
özündən sonra fasiləsiz olaraq canişin təyin etmişdir. Sonra
səhabələrinə Əli ibn Əbu Taliblə (ə) özlərinin gələcək rəhbəri
kimi beyət etmələri barədə fərman vermişdir.

1.“Təfsiri-Əbül-Fütuh Razi”, c. 7, səh. 62-68