Page 63 - Islamic Studies 01

,
62) / İSLAM ARAŞDIRMALARI JURNALI Birinci il, birinci buraxılış, (payız-qış/2022)
Amma dünyada onlarla xoşrəftar ol. Mənə doğru (tövbə edib)
qayıdan kəsin yolunu tut. Qayıdışınız Mənə doğrudur, sizi
gördüyünüz işlərdən xəbərdar edərəm.”
Valideynin məqamı o qədər ucadır ki, bu ayədə hətta insanı
şirkə sürükləyən valideynlə pis rəftar etməmək tapşırılır. Yəni
övlad valideynə itaət etməməli olduğu halda belə onu tənha
buraxmamalıdır.

İnsan fitri olaraq tövhidə meyllidir, ətrafdakılar onu şirkə
sürükləməyə çalışır. Ayədə valideynə itaət əmri verilməklə
yanaşı, valideynin azmağına da diqqət çəkilir. Allahın haqqı
bütün haqlardan, o cümlədən valideynin haqqından öndədir.
Büdrəmə ehtimalı olan yerdə valideynə itaət edilməməlidir.
Amma adi həyat tərzi hifz edilməlidir. Ömrün sonunadək
valideynlə yaxşı rəftar etmək zəruridir, hətta valideyn müşrik
olsa belə. Bəzən əqidə seçimi və ailədə rəftar arasında fərq
qoymaq lazım gəlir. Adi həyatda valideynə hörmət
göstərilməli, həyat yolunda paklar və salehlər nümunə
götürülməlidirlər.
16-cı ayədə Loğmanın oğluna daha bir nəsihəti bəyan edilir:
“Ey oğlum! Əgər (sənin əməlin) xardal dənəsi ağırlıqda olsa,
daşın köksündə, göylərdə və ya yerdə gizlənsə, Allah onu
(Qiyamətdə hesab üçün) hazır edər. Çünki Allah dəqiq və
agahdır.”
Xardal kiçik qara dənələri olan bitkidir. Xardal dənəsi kiçikliyi
göstərmək üçün misal çəkilir. Aydin olur ki, övladı İlahi elm
və qüdrətlə tanış etmək hikmət nişanəsidir. Moizədə hər
tövsiyədən öncə qarşı tərəfin adını təkrarlamaq təsirlidir.
Kamil dəyərləndirmə və nəzarətdə ən kiçik işlər də nəzərə
alınmalıdır. Allah hər şeydən xəbərdar və hər şeyə qadirdir. O,
dəqiq hesab aparır, çünki Lətifdir.
17-ci ayədə buyurulur: “Oğlum! Namazı bərpa et, yaxşılığa
çağır, pisliyə qadağa qoy (əmr bə məruf və nəhy əz münkər