Page 59 - Islamic Studies 01

,
58) / İSLAM ARAŞDIRMALARI JURNALI Birinci il, birinci buraxılış, (payız-qış/2022)
Bakirə qızların izdivacında atanın icazəsinin şərt olması bəzi
hallarda elə bu məqsədi daşıyır və onların xeyrini təmin
etməkdən ötrüdür. Amma əgər atanın istəyi qızının xeyrınə
olmazsa, bu vaxt atanın icazəsi daha şərt deyildir.
İzdivac etməyin mühüm cəhətlərindən biri də bəşər nəslinin
davam etməsi uçun yolun olmasıdır. Mütəal Allah Qurani-
Kərimdə qeyd edir ki, insanın öz cinsindən ona zovcə
1
yaratmaqda hədəflərdən biri, insanların sayının artmasıdır.
Ailə həyatı, evlilik və ailə hüquqları barədə nazil olmuş Nur
surəsinin 58-ci ayəsində buyurulur: “Ey iman gətirənlər!
Sahibi olduğunuz qullar və sizin yetkinlik yaşına
çatmayanlarınız (otağınıza daxil olmaq üçün) üç vaxtda
sizdən icazə alsınlar: sübh namazından öncə, günorta libasınızı
çıxardığınız vaxt və işa namazından sonra. Bu üç vaxt sizin
üçün xəlvətə çəkilmə vaxtıdır. Qalan vaxtlarda icazəsiz daxil
olmaq sizin üçün və onlar üçün günah deyil. Çünki onlar
sizinlə daim get-gəldədir, bəzisi bəzisinin yanına daxil olur.
Allah öz ayələrini sizin üçün bu sayaq bəyan edir. Allah elm
və hikmət sahibidir.”
Bu ayədə müsəlman bir ailədə diqqət edilməsi lazım olan
önəmli ədəb qaydaları önə çəkilir, namaz vaxtları diqqətə
çatdırılır. Qeyd olunan üç vaxt insanın istirahət zamanıdır,
həssas və qorunmaq lazım olan bir zaman kəsiyidir. İffəti,
həya duyğularını mühafizə etmək üçün otağa daxil olan zaman
izn istəmək şərtdir. Bu göstərişlərdə məqsəd çirkin işlərin,
vaxtsız yetkinliyin qarşısını almaq, abır həyanı qorumaqdır.
Mömin valideynlər övladlarına dini hökmləri öyrətməyə
məsuldurlar. Uşaqların tərbiyəsinə və onlara İslam qaydalarını
təlim etməyə yetkinlikdən öncə başlamaq lazımdır. Əlbəttə,
uşaqlar paklığı ilk öncə ailə mühitində öyrənməlidirlər.
Həmçinin, uşaqlar ailə daxilində öz vəzifələrini bilməlidirlər.

1. Şura surəsi, ayə 11