Page 65 - Islamic Studies 01

,
64) / İSLAM ARAŞDIRMALARI JURNALI Birinci il, birinci buraxılış, (payız-qış/2022)
Nəticə
Müttəqilərə doğru yol göstərən, haqq olduğunda heç bir şəkk-
şübhə olmayan Müqəddəs Kitabımızda uşaqlarla bağlı gələn
surələri və ayələri, böyük zəhməti olmuş əziz alimlərimizin
Qurani Kərimin təfsirlərinə istinad edərək uşaqların haqq və
hüquqlarını, vəzifələrini, tövsiyələri, tərbiyə üsullarını
nəzərdən keçirdik.

Əgər gələcəyimizi bugünün uşaqlarına əmanət ediriksə,
onların düzgün tərbiyə olunması, hansı ideyalara qulluq
etməsi hər birimizi ciddi düşündürməlidir.
İslam uşaq hüquqlarını həssaslıqla və bu məsələyə xüsusi
diqqət ayıraraq bəyan etmişdir. İslamda uşaq hüquqları, ata
və ananın evliliyi anından başlanır və buna riayət
olunmalıdır. İslam, infrastruktur sağlamlığa şəraitin
yaradılmasına, nikah zamanından diqqət olunmasına tövsiyə
edir.
Valideynin evliliyindən uşağın dünyaya gələn zamana qədər
və bundan sonra, islamın hüquqlara və şəraitlərə riayət etmə
məsələsinə təkidlə yanaşması, onun saleh nəslin yetişməsinə
nə qədər önəm verdiyinin göstəricisidir.
Valideynin layiqli insan olması, halal qida, nütfənin
ləyaqətsiz insanlardan qorunmasına əhəmiyyət, ananın
hamiləlik zamanı kifayət qədər və münasib qida ilə təmin
olunması, ana bətnindəki dölün qayğısına qalmaq, onu
qorumaq və s. islam dininin uşaq barəsindəki
tövsiyələrindəndir. Uşağın dünyaya gəlməsindən sonrakı
mərhələdə də, islam dini uşaqlar üçün hüquqlar təyin etmiş
və ona riayət olunmasını təkidlə vurğulamışdır.