Page 81 - Islamic Studies 01

,
80) / İSLAM ARAŞDIRMALARI JURNALI Birinci il, birinci buraxılış, (payız-qış/2022)
Nəticə
İslam bir millətin və ya cəmiyyətin mövcudiyyətini təhlükə
altına qoyan, onu məhv eyməyə çalışan qüvvəyə qarşı, özünü
müdafiə məqsədi ilə döyüşməyi məqbul sayır. Hətta bəzi
vaxtlarda bunun məcburi olduğunu bildirir. Çünki əgər qarşı
tərəf müsəlmanın həyatını, malını, dinini, namusunu, torpağını
təcavüzə məruz qoyursa, onunla üz-üzə gəlib, hesablaşmaq

artıq dini anlamda vacib hesab edilir. Müsəlmanın həyatını,
dinini sərbəst yaşaması üçün hikmət və öyüdə duyduğu ehtiyac
qədər, təcavüz edən düşmənin qarşısına çıxan orduya da
ehtiyacı vardır. Ümumiyyətlə İslama görə zülmə, xəyanətə,
haqsızlığa məruz qalan kimsəsizin köməyinə yetişmək üçün
silahdan istifadə etməyə icazə verilir. İslamın ilk dövrlərində
aparılan müharibələr əsasən özünümüdafiə xarakteri
daşımışdır.
İslama görə, insan hər şeydən əvvəl yaşamaq hüququna
malikdir. İnsan həyatı müqəddəs və toxunulmazdır. Bu həyat
insana Allah tərəfindən bəxş edilmişdir və Allahın iradəsi
olmadan ona heç kim qəsd edə bilməz.
İnsanın vətəndaşlıq haqları vardır. O özünü müdafiə etmək,
sağlamlığını qorumaq, ailə qurmaq, nəslini artırmaq, uşaqlarını
böyüdüb tərbiyə etmək, məhkəməyə müraciət etmək
hüquqlarına malikdir.
İnsanın azadlıq hüququ vardır və bu hüquq təbii hüquqdur.
İnsan azad yaradılmışdır və onun azad yaşamaq hüququna
qəsd edilməməlidir. İnsan Quranda heç bir insanın qulu kimi
vəsf edilmir, o yalnız Allaha qulluq bəndəlik edir. İnsanın öz
vətənində, xalqın öz yurdunda azad yaşamaq hüququ vardır və
əgər bu hüquqa təcavüz edilirsə, insan da, xalq da özünü
müdafiəyə qalxmalıdır.