Page 303 - Islamic Studies 03

302) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

Giriş
Biz XXI əsrin insanlarıyıq. Qloballaşaraq rabitə
kommunikasiyaları, internet, peyk antenaları, sosial şəbəkələr
sayəsəində "kiçilən" dünyanın sakinləriyik. Uşaqlıq dövrümüz
sovet illərinin informasiya blokadası şəraitində keçsə də, sovet
rejiminin süqutundan dərhal sonra informasiya seli tüğyan edib
blokada sərhədlərini yıxdı. Biz gözümüzü açıb nə olduğunu
anlayana qədər anidən hücuma keçmiş bu selin nəhəng dalğaları
bizi "olduğumuz yerdən" çox-çox "uzaqlara" apardı. Özümüzə
gəlib bu selin içində tutunmağa bir yer tapıb ətrafa boylananda
isə nə "oldumuz yer" var idi, nə də ki, "aparıldığımız yer"
görünürdü. Sanki bu tüğyankar sel, aşıb-daşan çay bizi ucu-
bucağı bilinməyən dəryaya çatdırmış, bizi bu dəryanın ortasında
sərgərdan qoyub, heç nə olmamış kimi bizi tərk edib getmişdi.
Bu dərya sivilizasiyaların toqquşduğu amansız dəryadır; eynilə
şahə qalxıb qarşısına çıxanı məhv edən sunami dalğaları kimi.
İndi gəl bu dəryanın ortasında çatmalı olduğun sahili tap və nicat
tap.
Bu informasiya və təbliğat dəryası çoxlarını məhv etdi və
etməkdədir; yalnız, əziz İslam Peyğəmbərinin (s) bizlər arasında
qoyduğu iki əmanət – Quran və Əhli-Beyt (ə) dəyərləri, mənəvi
səciyyələri və əxlaqi keyfiyyətləti əsasında yaşayan insanlar,
dəyər tapdı və tapmaqdadır.
Daha öncə də qeyd etdiyim kimi, məsum rəhbərlərimiz olan
Böyük İslam Peyğəmbəri (s) və o Həzrətin pak Əhli-Beytinin (ə)
bizə verdiyi xəbərlərə əsasən Zühur Əsrində yaşayırıq. Görünən
budur ki, Allah Təala Özünün yer üzündəki son höccətinin
zühuru üçün şərait hazırlamağı biz xoşbəxt nəslin öhdəsinə
qoymuşdur. Bizlər bu zəmini hazırlamaq üçün əvvəla
yaşadığımız zamanı və mühiti tanımalı, sonra isə vəzifələrimizi
bilməliyik; ilk olara özümüzü, sonra isə yaşadığımız cəmiyyəti