Page 304 - Islamic Studies 03

Svilizasiyalararası toqquşmalarda müsəlmanların əsas işi/ (303

islah etməyə çalışmalıyıq. Bunun üçün isə müəyyən məsələlərə
agah olmağımız vacibdir.
Yaşadığımız dünyanı, onun bu günkü vəziyyətini tanımadan,
dünyada baş verən ixtilaflardan xəbərdar olmadan, haqqı batildən
ayıra bilmədən, qarışıqlıqlar arasından haqq yolu seçə bilmədən
bəsirət sahibi olmağımız və vəzifələrimizi qüsursuz şəkildə
yerinə yetirməyimiz qeyri-mümkündür. Bu baxımdan da
araşdırdığım mövzunun həm özüm, həm də başqaları üçün yararlı
ola biləcəyini düşünürəm.
Mənim bildiyim qədər bu mövzu ətrafında, kiçik həcmli
məqalələr xaric, doğma Azərbaycan dilimizdə elə də geniş
həcmli təhqiqat işi yazılmamışdır. Hər halda araşdıırmalar
zamanı mənim qarşıma başqa bir elmi iş çıxmadı. Bu baxımdan
da ağır bir məsuliyyətin altına girdiyimi anlayıram.
Bu yazıda əsasən elektron materiallardan və ünvanlardan istifadə
etdim. Çünki Azərbaycan dilində mənim seçdiyim mövzu üçün
müraciət edə biləcəyim kitablar bir o qədər də çox deyil. Olanlar
da əsasən tərcümə edilmiş kitablardır. Əlbəttə türk və fars dilində
olan kitablardan da istifadə etmişəm. Lakin bu kitabların da
əlimdə olmaması, yenə də mənim elektron kitabxanalara
müraciət etməyimə səbəb oldu. Ümumiyyətlə, demək olar ki,
istənilən kitabın elektron variantını bir neçə saniyədə əldə edə
bilmək Mütəal Allahın son əsrdə bizlərə etdiyi böyük
lütflərdəndir.
Mənim seçdiyim mövzu demək olar ki, bilavasitə günümüzə
aiddir. Hər gün dünyamızda baş verən hadisələri izləməm bu işin
yazılmasında çox mühüm rol oynadı. Məlum məsələdir ki, bu
barədə kitabların yazılmasını gözləyə bilməzdim və baş verənləri
mütəmadi olaraq araşdırıb, onlar haqqında da öz fikirlərimi bu
işdə qeyd etməli idim.