Page 10 - Islamic Studies 05

Quranın hər kəsə şamil olması baxımından möcüzə olması

1
Elçin Əliyev
Abstract

Quran elə bir kitabdır ki, onu hər kəs oxuyub, başa düşə
bilər. Bu müqəddəs kitabı həm yaşlı nəsil və həmdə gənclər,
qadın və kişilər, eləcə də filosoflar, həkimlər, tədqiqatçilər,
tarixçilər, ariflər, hüquqşünaslar və bir çox təxəssüsə sahib
olan insanlar başa düşür və Quran hamını öz müxatəbi qərar
verə bilir.

Yəni Quran hər kəsin başa düşə biləcəyi bir kitabdır. Əlbəttə
burada söhbət Quranın ümumi məzmunundan gedir. Çünki
Quranın bəzi ayələri var ki, onları başa düşmək üçün bəzi
hədislərə, eləcə də təfsir kitablarına ehtiyac var.
Baxmayaraq ki, Quran on dörd əsr bundan qabaq nazil olub,
amma bu kitabın möcüzəvi cəhətlərindən biri də budur ki, onu
həm islam peyğəmbərinin (s.ə) əsrində yaşayanlar, həmdə ki,
21-ci əsrin insanları oxuyub, başa düşə bilirlər. Yəni hər bir
dövrdə yaşayan insanlar Quranı oxuyub, özləri üçün bir çox
faydalı məlumatlar, öyüd-nəsihətlər və yaşayışları üçün mühim
mesajları örnək götürə bilərlər. Quranı oxuyanda, bəzi ayələrin
sırf qadınlar, bəzilərinin kişilər, bəzilərinin gənc və uşaqlar,
bəzi ayələrin isə yaşlı nəsilə aid olduğunu müşahidə etmək
olur.

Açar sözlər: Quran, möcüzə, şamil olma, baça düşmək

- İslam araşdırmaları fakültəsinin məzunu, Hikmət və Dinlərarası Araşdırma İnstitutu, 1
Əl-Mustafa Beynəlxalq Virtual Universiteti, Qum, İran