Page 95 - Pure Life 07

Aşura mərasimləri, mənəvi dəyər kimi/ 141

Nəql olunur: Peyğəmbər (s) bunu dedikdə, Allah bu
ayəni endirdi: “Ya Peyğəmbər! Rəbbin tərəfindən
sənə nazil olanı təbliğ et. Əgər bunu etməsən
Allahın risalətini (sənə həvalə etdiyi peyğmbərliyi)
yerinə yetirmiş olmazsan. Allah səni insanlardan
1
qoruyacaq. Allah küfr əhlini düz yola yönəltməz!” .
Bu ayə Əlinin (ə) imamətini isbat etməklə
yanaşı, imamətin xüsusi önəm daşıdığını və islam
ümmətinin imamsız təsəvvür olunmadığını diqqətə
çatdırır. Hüseyn (ə) də bu imamət nurunun bir
ulduzu olmaqla yanaşı, Əlinin (ə) övladıdır.
Həmçinin o, dünya və axirət xanımlarının
rəhbəri Fatimənin (ə) oğludur.
İmam Sadiq (ə) buyurur: “Peyğəmbər (s) Fatiməni
çox öpərdi. Bunu görən Aişə ona etiraz etdikdə
Həzrət buyurdu: ey Aişə! Mən göylərə merac edəndə
Cənnətə daxil oldum. Orada Cəbrail (ə) məni yanına
çağırıb Tuba ağacının meyvəsindən yedirtdi. Ondan
belimdə bir şeylər əmələ gəldi ki, yer üzünə
qayıtdıqdan sonra Xədicə Fatiməyə (ə) hamilə oldu.
2
Mən onu öpdükdə Tuba ağacının ətrini duyuram” .
Bundan əlavə o, Əhli-beytdən olmaqla xüsusi
üstünlük və fəzilətə malikdir. Quran buyurur: “Siz
ey ev əhli! Allah sizdən çirkinliyi yox etmək və
3
sizi tərtəmiz, pak etmək istəyir” .

1. Şəvahidüt-tənzil, cild I, səh-187, hədis № 243 .
2. Əllamə Hüveyzi, Təfsiru nurüs-səqəleyn, cild III, səh-131,
hədis № 49.
3. əl-Əhzab-33.