Page 214 - Pure Life 09

(
/

256 PURE LIFE, Vol.4.No.9, (Ramadan 1438. Khordad 1396. June. 2017)

Siyasət, siyasət elmi (politologiya), siyasət
elminin digər elmlərlə rabitəsi, siyasi sistem və
onun bəzən “siyasi sistem”in yerinə istifadə edilən
dövlət, hökumət və ölkə kimi terminlərlə rabitəsi.
Terminlər adətən, eyni sözlərlə istifadə
edilməsinə baxmayaraq, onlar məfhum baxımından
müxtəlif mənalardan yararlanırlar və bunun
səbəbini dünya görüşü və düşüncə sisteminin
fərqliliyində axtarmaq lazımdır.
İslam münəzzəm bir düşüncə (ideologiya)
sistemi ilə öz ardıcılları üçün siyasi sistem və onun
məfhumi stukturları barəsində digər məktəblərdən
fərqli olan təhlillər təqdim edir. Beləliklə, İslamla
uyğun olan siyasətə tərif vermək istədiyimiz
zaman, yaxşı olar ki, bir sıra cəhətləri nəzərə alaq.
O cümlədən: Hədəfə malik olmaq və
axirətyönlülük, vilayət və rəhbərlik, əhatəlilik, insan
və cəmiyyətin təkamül hərəkəti, iradə və ixtiyar,
həqiqətlərə diqqət yetirmək və təşviq və tənbehin
tərbiyəvi rolu. Bu xüsusiyyətlərlə mövzunun əhatə
dairəsinin genişliyi ilə bağlı ümumi və xüsusi
olmaqla iki növ tərif əldə edə bilirik.
Siyasət məfhumunun bəyanı (izahı) tamamilə
siyasətlə bağlı verilən tərifə əsaslanır və siyasət elmi
insan maarifi və insan biliyi ilə rabitə mənzuməsində
formalaşdığı üçün, məcburən rabitə növü və onun
digər elmlərə fayda vermək, yaxud onlardan
faydalanmaq mizanını müəyyən etmək zəruridir.