Page 216 - Pure Life 09

(
/
254 PURE LIFE, Vol.4.No.9, (Ramadan 1438. Khordad 1396. June. 2017)

Bir ölkəni təşkil edən ilkin əsas amil daimi olan
bir cəmiyyətdir. Ona görə ki, heç bir məkanı
cəmiyyətsiz olduğu halda, ölkə adlandırmaq olmaz.
Əlbəttə, müəyyən bir zamanda hansısa bir ölkədə
yaşayan bütün fərdləri də həmin ölkənin cəmiyyəti
hesab etmək olmaz.
Əksinə, yalnız həmin ölkənin tabeçiliyində olan
kəsləri o ölkənin cəmiyyətindən saymaq olar.
Beləliklə, müxtəlif ünvanlarla, məsələn, təhsil,
ticarət, istehsal, müalicə, ziyarət, səyahət, sığınacaq
və bunun kimi adlarla hansısa bir ölkədə olan
kəslər üzunmüddətli və ya daimi məskunlaşmağa
malik olmalarına baxmayaraq, həmin ölkənin
vətəndaşlığını əldə etməyənə qədər yadelli (xarici)
hesab olunurlar.
Bəzən ölkənin cəmiyyətinə “millət” ünvanı da
şamil olur və bu, ölkəni təşkil edən əksəriyyətlə
müəyyən bir qrup arasında həmahəngliyin meydana
çıxdığı, istək və arzuların bir-birinə qarışdığı, adət-
ənənə, metod və dil müştərəkliyi onları bir-birnə
bağladığı və onların ölkənin hər yerinə yayıldığı
(hər yerdə məskunlaşdığı) zaman baş verir.
Əlbəttə, bəzən bir millət hansısa bir ölkənin
ərazil hüdudları ilə xülasələnmir, əksinə bir neçə
ölkə vahid bir milləti təşkil edə bilər. Məsələn,
vahid bir millət olan ərəblər çoxlu saydakı
ölkələrdə pərakəndə olmuşlar. İslamda milli
bağlılıq yaradan ünsür “din”dir və ondan
formalaşan məcmu “ümmət” adlanır.