Page 128 - Islamic Studies 01

Qadınların ictimai mövqeyi quranda

1
Aynur Əzimova

Absrtakt

Müasir dövrdə aparılan geniş mədəni-maariflənmə işlərinə
baxmayaraq, hələ də qadın, eləcə də kişinin hüquq və
məsuliyyətləri düzgün və aydın şəkildə açıqlanmamışdır.
Bunun başlıca səbəbi kimi bəşəriyyətin düçar olduğu və bu
vaxta qədər öz həllini tapmamış bir sıra problemlər, o
cümlədən, qadın-kişi münasibətlərinin hüdudlarının
müəyyənləşdirilməməsi, psixoloji problemlər, təcavüzkarlıqlar
və s. hesab oluna bilər. Uzun illər boyu Avropa və Amerika
ictimaiyyətində qadınların təbii hüquqları tapdalanmış, bunun
ardınca isə onları “qadınlara dəyər və azadlıq vermək” adı
altında heç bir çərçivəyə sığmayan cinsi münasibətlərə sövq
etdirmişlər.
Əziz İslam Peyğəmbəri (s. ə. s) qızı Fatimeyi-Zəhranın (s. ə)
əllərindən öpürdü. Əsla bunu duyğulardan irəli gələn bir
hərəkət kimi dəyərləndirməyin. Xanım Fatimeyi-Zəhra (s .ə)
kamil bir insan olduğu üçün o Həzrət (s. ə. s) ona belə ehtiram
göstərir. İslamda qadının dəyəri onun mənəvi yüksəlişi və
kamilliyi ilə ölçülür. Məhz bu səbəbdən, qadınların ictimai
məsuliyyətləri və elmi tərəqqisi də bu istiqamətdə olmalıdır.
Açar kəlmələr: Quran, Qadın, Dəyər, Cəmiyyət

1 - İslam Araşdırmaları fakültəsinin məzunu, İslam Araşdırmaları institutu, Əl-
Mustafa Beynəlxalq Virtual Universiteti, Qum, İran.