Page 196 - Islamic Studies 02

194) / İSLAM ARAŞDIRMALARI JURNALI, İkinci. İl, İkinci. Buraxılış (Bahar-Yay/2022)

bu dünyada olan gözəl və əzəmətli nişanələri ilə doludur.
Surənin axırında da bunlara işarə olunur.
4.Nəhayət, sonuncu hissədə məada aid olan məsələlər məadı
sübut edən müxtəlif dəlillər, öləndən sonra yenidən dirilmək,
qiyamət gününün hesabı, dünyanın axırı və eləcə də Cənnət
və Cəhənnəmdən söhbət gedir. Bu hissədə diqqəti cəlb edən
çoxlu məsələlər var. Bu dörd hissədə qafil insanları ayıltmaq

üçün və eləcə də onların diqqətli olması üçün tə’sirli ayələr
vardır. Qısaca desək, bu surədə insan müxtəlif səhnələrlə, o
cümlədən xilqət (yaranış), qiyamət, həyat, ölüm, qorxutmaq
və müjdələrlə üzləşir. Bunların hamısı isə ümumilikdə insan
ruhunu ayıldan və ona şəfa verən bir nüsxədir.

Ön Söz
Yasin surəsi (Məkkədə nazil olmuşdur, 83 ayədir). Adını ilk
misra olan " Ya - Sin " hərflərindən alır . Xalq arasında Yasin
ölən şəxsin arxasınca oxunur. İslam peyğəmbəri Məhəmmədin
bu surəni "Quranın ürəyi" adlandırdığı üçün müsəlmanlar
arasında əhəmiyyətli bir yerə sahibdir. Həzrət Rəsuli-Əkrəm
(s) buyurur: «Hər kəs «Yasin» surəsini Allah rizayəti üçün
oxusa, Allah-Taala ona Qurani-Kərimi on iki dəfə tilavət
edənlərin əcrini yazar.»
Həzrət İmam Cəfər Sadiq (ə) bu mübarək surənin tükənməz
xətir bərəkəti barədə (ə) buyurur:
«Həqiqətən hər bir şeyin qəlbi vardır. Quranın da qəlbi
«Yasin» surəsidir. Elə isə hər kəs gündüz (gecə düşməzdən
əvvəl) «Yasin» surəsini oxusa o gün Allah-Taala onu
bəlalardan hifz etmiş və ruzi əta etmiş olar. Hər kəs gecə,
yatmazdan əvvəl bu mübarək surəni qiraət etsə, Haqq-Taala
onu rəcim (qovulmuş) olan şeytanın şərrindən və hər cür
bəlalardan hifz etmək üçün min ədəd mələyi vəkil qərar verər.
Əgər həmin gün o, dünyadan köçsə Allah-Taala onu behiştə