Page 259 - Islamic Studies 04

258) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

İsa Məsih demişdir ki, ərlə arvad «iki yox, bir bədəndir»

(Mətta 19:6). Onlar bir-birilərinə sədaqətli olmalı və heç vaxt
xəyanətə yol verməməlidirlər (Məsəllər 5:15—21; İbranilərə
13:4). Ərlə arvad cinsi münasibətlərdə bir-birini nəzərə

almalıdır, ancaq özlərini düşünməməlidirlər (1 Korinflilərə
7:3—5). Ər İncildə yazılan növbəti prinsipi heç vaxt yaddan
çıxartmamalıdır: «Elə bir adam yoxdur ki, öz bədəninə nifrət

etsin, əksinə, insan öz bədəninin qeydinə qalır, onu əzizləyir».
Bu o deməkdir ki, ər arvadını sevməli və onu əziz tutmalıdır.
Hər bir qadının ən ümdə arzusu odur ki, əri onu sevsin və

onunla mehriban davransın (Efeslilərə 5:29).

Kamil xüsusiyyətlərin və əxlaqi fəzilətlərin təzahürü

Axirət aləmində ədalətli və dəqiq hesaba inam, səbəb olur ki,
insan bütün işləri görmədə özünü tam azad bilməsin. Bununla
da öz həyatında napaklığa tərəf getməsin və İlahi və insani

dəyərlərə zidd olan məsələlərə bələşməsin. Nəticə etibarı ilə də
əxlaqi fəzilətləri və kamil xüsusiyyətləri özündə təzahür
etdirsin.

Haqqı görmə

Axirətdə hakimi Allah olan ədalət məhkəməsinə inam, insanı
öz ailə həyatınad insaflı və İlahi çərçivələrdən kənara
çıxmamaqla, tanrının meyarları əsasında davranmağa məcbur
edir.

Nəfsani və şəhəvanı istəklərinin kontrol edilməsi