Page 260 - Pure Life 13

352 / ( PURE LİFE, On üçüncü buraxılış, Nəşr ili: Beşinci, 2018 May (1439 h.q. 1397 h.ş.)

Bütün dünyada təkcə iki milyon monqol olmasına
baxmayaraq, onlar Çingiz xanın nəslindən olan
hökmdarların başçılığı ilə Yaxın Şərq, Rusiya və Çinin
əksər ərazilərini işğal etdilər. Ən parlaq dövrlərində
Yaponiyanı işğal edə bilməmələri və b.e. 1260-cı ildə Əyn
Cəllud döyüşündə məğlub olmaları istisna olmaqla o
qədər də çox uğursuzluqla üzləşmədilər.
Əhalinin az olmasına baxmayaraq, monqollar döyüşə
böyük və çevik qoşunlar çıxarırdılar. Monqolların işğalları
nəticəsində milyonlarla insan həlak olsa da, imperiyanın
hər yerinə ticarət yayıldıqca qısamüddətli sülh və inkişaf
dövrü yarandı. Ümumi götürdükdə isə monqollar
imperiyanı idarə edə bilmədiklərini göstərdilər və
imperiya sonda hər biri tənəzzül edən dörd xanlığa
parçalandı.
Tez bir zamanda böyük əraziləri işğal edən
imperatorluq 1294 cü ilə qədər mövcud olmuşdur.

- Osmanlı İmperiyası: 1299-1923
1299 cu ildə Osman Bəy tərəfindən qurulan imperatorluq
tarixdə ən uzun hakimiyyəti olan imperatorluq olmuşdur.
1699 cu ildə Karlofça müqaviləsi ilə imperatorluq süper
güc olma istiqamətindəki mübarizəsini dayandırmışdır.

- İspanya İmperiyası: 1492-1898
1492 ci ildə Amerika qitəsinin kəşfi ilə qurulan imperiya
1550 ci illərdə qüdrətli imperya olmuşdur. Ancaq bu
hökmranlıq 1648 ci ilə qədər davam etmişdir.