Page 120 - Pure Life 07

116 / ( PURE LIFE, Vol.3.No.7, (Safar Al-Muzaffar 1438. Azar 1395. November 2016)

İmam, həmçinin, dinə qarşı irəli sürülən yanlış
iddiaları, dinimizlə fikri mübarizə aparan yadların
müxtəlif şübhələrini mükəmməl şəkildə
cavablandırır.
İmam Peyğəmbərimizdən (s) sonra
müsəlmanların rəhbərliyini öhdəsinə alaraq, ən ali
hökmə və həlledici qərarlara sahibdir.
İmam həm də, nümunəvi bəndə, kamil bir insan
olaraq ilahi höccəti və Allahın yer üzərindəki ən
əzəmətli feyz, mərhəmət vasitəsidir.
Sözsüz ki, belə ağır, ciddi və dəyərli vəzifənin
öhdəsindən gələn şəxs olduqca ali mə`nəvi
keyfiyyətlərə malik olub, hər bir günahdan, xətadan
uzaqdır. Yə`ni məsum insandır. Elə bunun üçün də,
bu məqama seçilən şəxslər birbaşa Allah-taala
tərəfindən tə`yin olunur.
İmam Hüseyn (ə) də digər imamlar (ə) kimi
mə`sumdur. Bundan əlavə o, ilahi kamilliyin tam
zirvəsində durur.

Həzrət Hüseynin (ə) əxlaqi xüsusiyyətləri
Qeyd etmək lazımdır ki, biz nə qədər Şəhidlər
ağasının (ə) gözəl, qiymətli xüsusiyyətlərindən

danışsaq, yenə də azdır. Bu haqqda onlarla kitab
yazılsa belə onun mənəvi üstünlüklərini vəsf edib
qurtara bilməz. Elə buna görə də, bu barədə ətraflı
bəhs etmir və İmamın (ə) bə`zi əxlaqi
keyfiyyətlərinə işarə etməklə kifayətlənirik: