Page 118 - Islamic Studies 01

Qurani-Kərimdə Peyğəmbərə (s)... / (117

hidayət edirlər, yoxsa o kəslərə ki, özləri hidayət olunmağa
möhtacdırlar. Yuxarıdakı ayələrin araşdırılması və həqiqətin
üzə çıxarılmasında, bəzi nəqli və əqli dəlillərin bizə yardımıçı
olacağını deyərdik . “Maidə” surəsinin 55- ci ayəsinin Əli ibn
Əbutalib haqqında nazil olduğu barəsində bizim dövrə gəlib
çatmış və bir çox ravilər tərəfindən nəql olunmuş bir çox
hədislər vardır . Onlardan birini sizin nəzərinizə çatdırıram.
Hədis İmam Həsən (ə) Müctəbadan nəql olunmuşdur :
“Əmmar Yasər belə deyirdi : “Yoxsul bir şəxs Əli ibn
Əbutalib namazın rukusunda olarkən ona yaxınlaşıb kömək
istədi. İmam elə həmin vəziyyətdə barmağındakı üzüyü
çıxararaq ona verdi. Həmin vaxt Peyğəmbər (s) məscidə daxil
olaraq əhvalatdan xəbər tutdu. Ayə nazil oldu. Peyğəmbər (s)
1
həmin ayəni bizim üçün oxudu” . “Vəli” sözü barəsində əvvəla
onu demək lazımdır ki, bu sözü Allah-təala həm özü barəsində
və həmdə Peyğəmbər və iman gətirənlər barəsində işlədir və
“Nisa” surəsi, 59 –cu ayədə gələn “itaət” kəlməsindən fərqli
olaraq bir dəfə işlədilir. “Vəli” sözünü Allah –təala həm özü
barəsində və daha sonra Peyğəmbər (s) və iman gətirənlər
barəsində bir dəfə işlətməsi bu sözün dost, köməkçi kimi
mənalardan fərqli olaraq xüsusi məna daşıdığını bizə bəlli edir.
Digər tərəfdən Allah-təala “vəli” sözünü özü ilə bir cərgədə
həm Peyğəmbər (s) və həmdə iman gətirənlərin barəsində
işlətməsi, ona dəlalət edir ki, bu iman gətirənlərdə adi siravi
iman gətirənlər deyil. Bu xüsusi məna isə bizim anladığımız
dost və köməkçi mənasında ola bilməz. Ona görə ki, bizə
məxsus sifətlər ilə Allah-təalaya məxsus sifətlər eyni deyil və
bu bizim “vəli” barədə yürütdüyümüz mühakimələrdən tam
fərqlidir və bu vəlayət və rəhbərlik mənasında ola bilər. Bu

1. Əllamə Təbatəbai, Əl- Mizan təfsiri c. 6, səh. 16