Page 53 - Islamic Studies 01

,
52) / İSLAM ARAŞDIRMALARI JURNALI Birinci il, birinci buraxılış, (payız-qış/2022)

• Onlar başqa şəxslərdən yalançı sevgi gördükdə
onlara tərəf yönələ, hətta bəzən onların bir təbəssümü ilə belə
səhv yola düşə bilərlər.
• Valideynin daha çox sevgi göstərdiyi övlada qarşı
onlarda həsəd yarana bilər, hətta ondan intiqam almaq fikrinə
düşə bilərlər. Qurani Kərim Yusif peyğəmbərə (ə) qarşı məkrli
plandan söz açaraq buyurur: “O zaman (onlar bir birinə)
dedilər: “Yusif və onun qardaşı (Binyamin) atamız üçün
bizdən daha sevimlidir, halbuki, biz güclü dəstəyik və
(atamızın işlərini biz görürük). Dogrudan da, bizim atamız
aydın bir azğınlıq içindədir. Yusifi öldürün, ya onu (uzaq və
naməlum) bir yerə atın ki, atanızın diqqəti və sevgisi yalnız
sizə yönəlsin...”
1
Baxmayaraq ki, Yaqub peyğəmbərin (ə) Yusifə (ə) və onun
qardaşı Binyaminə olan sevgisi ayriseçkilik deyildi və məntiqi
səbəblər var idi, çünki, birincisi, onlar Yaqubun (ə) ən kiçik
övladları idi və təbii ki, daha çox himayə və qayğıya
ehtiyacları var idi; ikincisi, bəzi rəvayətlərə görə, onların anası
Rahilə onlar uşaq ikən vəfat etmişdi və buna görə də onların
daha çox nəvazişə ehtiyacları var idi; üçüncüsü, Yəqub
peyğəmbər (ə) bu iki övladında, xüsusilə də Yusifdə böyük
şəxsiyyət görürdü.
Valideynlər, həmçinin oğlan və qız övladı arasında da fərq
qoymamalıdırlar. Amma təəssüflər olsun ki, bəzi ailələrin
oğlanı qızdan və ya qızı oğlandan üstün tutduqlarını müşahidə
edirik.
İmam Sadiq (ə) buyurub: “Qız” həsənə və “oğlan” nemətdir
ki, Allah onu bəxş etmişdir. Qiyamətdə “həsənə”yə görə

1. Yusif surəsi, ayə 8-9