Page 14 - Islamic Studies 02

12) / İSLAM ARAŞDIRMALARI JURNALI, İkinci. İl, İkinci. Buraxılış (Bahar-Yay/2022)

“O zaman ki, şənbə günü həddi (balıq ovunun haram olması
hökmünü) aşırdılar. Beləliklə, elə ki, çəkindirildikləri şeydən
boyun qaçırdılar, onlara “meymunlar və qovulmuşlar olun!”
1
dedik”.
Və cəmiyyətdə cəhalətin rəvac tapmasının digər bir səbəbi
dindarların rəftarıdır. Dindarların dinə ciddi yanaşmadığını
görən insanlar cəhalətə düçar olur. Həqiqətən insanlar

peyğəmbərlər (ə.s) və kitablardan təlim-tərbiyə almaqla,
təkamül yolunda irəliləyirlər. “Onları Bizim əmrimizlə doğru
yola yönəldən rəhbərlər etdik və onlara xeyir işlər görməyi,
namaz qılmağı və zəkat verməyi vəhy etdik. Onlar yalnız Bizə
ibadət edirdilər”. 2
Həzrəti imam Sadiq (ə.s) öz səhabələrindən olan Səmaəyə
buyurur: “Əql və onun qoşununu tanı. Eləcə də (cəhalət) və
onun növlərini”. 3
Bu hədisdən nəticə çıxarmaq olar ki, nadanlıq, dünya malına
hərislik, xəyanət, sələm yemək, pozğunluq, hiylə, lovğalıq, ata
və ananı incitmək, əhdə vəfa qılmamaq, səbirsizlik, düşmənlə
cihad etməkdən boyun qaçırmaq, yüngüllük, kin saxlamaq,
düşmənçilik etmək və s. kimi çirkin xüsusiyyətlər böyük
günahlara səbəb olur.
Sonra o həzrət buyurdu: “Nadan dindar şəxs insanı özünün
yalançı zahidliyi ilə aldadır. Dinsiz alim isə insanı özünə cəzb
4
edir”.
Yenə o həzrət bir hədisdə buyurur: “Nadan şəxs ya həddini
aşar (ifrata varar), ya da həddindən az iş görər (təfrit edər)
(yəni nadan şəxs normal şəxsiyyətə malik deyildir)”.
İmam Əli (ə) başqa bir hədisdə nadan şəxslərdən

1Əraf, 163/166.
2Ənbiya, 73.
3Üsuli-kafi, ci. 1, səh. 21.
4Qisarul-cəməl, c.1, səh. 127.