Page 18 - Islamic Studies 02

16) / İSLAM ARAŞDIRMALARI JURNALI, İkinci. İl, İkinci. Buraxılış (Bahar-Yay/2022)

qüvvəsini digər qüvvələrə hakim edib, əbədi səadətə çatmaq
uğrunda əlindən gələni etsin, gözəl xislətlərə yiyələnib pis
xislətlərdən uzaq olsun. Cismani ləzzətlər və nəfsinin istəkləri
ardınca çox qaçmasın, şəhvət və nəfsinin istəklərini yalnız
zərurət miqdarında təmin etsin. Yeməyi yalnız sağlamlığını
qoruyub bədənin ehtiyacı miqdarında yesin, daha başını
müxtəlif çeşidli yeməklərlə aldatmasın. Əgər birdən zərurət

miqdarından çox da yesə, o qədər yeməsin ki, başqalarının
yanında rüsvay olsun. Geyimini elə geyinsin ki, onu istidən və
soyuqdan saxlaya bilsin, bundan artığını edərsə də, elə
geyinməsin ki, insanların nəzərində gözdən düşsün. İntim
münasibətlərə çox da aludə olmasın, yalnız bədənin tələb
etdiyi və nəslin qorunub saxlanılması üçün lazım miqdarla
kifayətlənsin. Bir sözlə başını çox da dünyanın eyş-işrətinə
qatmasın. Əks təqdirdə bu, onu əbədi bədbəxtliyə aparıb
uçuruma yuvarladacaq.
Ey Allahın bəndələri, Allah rizasına özünüzə rəhminiz
gəlsin, ruhunuza laqeyd qalmayın. Ayaqlarınız sınmazdan
qabaq bacardığınız qədər çox yol qət edin, ölüm yetişməmiş
özünüzü dərk edin. Qəflət yuxusundan ayılın, ömür çox
qısadır. Mənfi xislətlər özünə yer etməmiş, xoşəgəlməz sifətlər
adət halını almamış, şeytan ordusu qəlblərinizə hakim
kəsilməmiş, ən qüvvətli dövrünüz olan gəncliyiniz başa
çatmamış bir çarə fikirləşin. Yoxsa ömür keçə-keçə mənfi
xislətlər özünə yer edib daha da möhkəmlənəcək. Gəncliyində
şeytan ordusuna qarşı mübarizə apara bilməyən şəxs
qocaldıqca necə mübarizə apara bilər ?!
Lakin Allahdan ümid kəsilməz. “Allahın mərhəmətindən
ümidinizi kəsməyin. Allahın mərhəmətindən yalnız kafirlər
1
ümidini üzər!”

1Yusuf, 87.