Page 267 - Islamic Studies 04
P. 267
266) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)
Meysəmin qiyamı
Əlləri və ayaqları kəsilmiş halda dar ağacından asılmış
Meysəm Təmmar fürsətdən istifadə etdi, öz mövlası və
rəhbərinə son dərəcə sevgisini, Əhli-beyt (ələyhimussalam)
düşmənlərinə isə qəzəb və nifrətini nümayiş etdirdi. O, həmin
vəziyyətdə danışmağa başladı və yüksək səslə camaata xitab
edərək dedi: “Hər kim İmam Əlinin (ələyhissalam) dəyərli
hədisini eşitmək istəyirsə, yaxına gəlsin. Allaha and olsun ki,
bu gündən Qiyamətə qədər baş verəcək hadisələrdən sizə
xəbər verəcəyəm və Qiyamətə qədər baş verəcək hər bir fitnə
haqqında sizinlə danışacağam.”
Beləliklə, onun ətrafına çoxlu adam toplaşaraq sözlərinə
qulaq asırdı. Bu xəbər Darul-İmərəyə çatanda İbn Ziyad onun
ağzına cilov taxmağı əmr etdi. Lakin Meysəm, zalım Əməvi
hökumətini ifşa etməyə davam edirdi. Bundan sonra İbn
Ziyadın əmri ilə onun dilini kəsdilər. Bununla da,
Əmirəlmömininin (ələyhissalam) sözlərinin doğruluğu sübuta
yetdi.
Muxtar Səqəfi
Muxtar da Əhli-beyt (ələyhimussalam) aşiqi idi. Onun
qılınc vurmaqda şücaət və igidliyi dillərə düşmüşdü. Muxtarın
ümumi gücü onun qollarında idi və vaxtı tanımaqda diqqətli
olmadığı üçün bəsirət vasitələrini əldə edə bilmədi.
