Page 285 - Islamic Studies 04

284) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

məntiqi vardır. Şəhidin məntiqini adi insanın məntiqi ilə
ölçmək mümkün deyil. Şəhidi adi insanın yerinə qoymaq
olmaz. Onun məntiqi yüksəkdir. Eşqlə dolu olan məntiq
ölçülməz həddədir. Əgər iki məntiqi yanyana qoyub ölçsək,
birinin məntiqi öz cəmiyyəti üçün ürək ağrıdan, şəhidin
məntiqi isə ilahi eşqlə dolu olduğu üçün nəinki öz
cəmiyyətinə, hətta dünyaya əks səda salan bir nitq olacaq.

Kərbəla hadisəsində İmam Hüseyn (ə) oğlu Həzrəti
Əliəkbərdən ölümü necə görürsən deyə soruşduqda, belə cavab
verir: “ Baldan da şirin”. Onların danışığı mənfəətli və
siyasidir. Onların nitqi, işıq verici və yandırıcıdır. Onların
məntiqi bir cəmiyyəti cəhalət yuxusundan oyatmaq üçündür.

Bəli, Şəhid elə kəlmədir ki, onu əvəz edən münasib bir kəlmə
yoxdur.

Şəhidin qanı

Şəhid nə edir? Şəhid nəinki düşmən qarşısında dayanır, ona
zərbə endirir, zərbə alır. Əgər tək bu olsaydı, düşməndən aldığı
zərbə nəticəsində itirdiyi qan hədər olardı. Xeyr, heç vaxt
şəhidin qanı hədər olmur. Şəhidin qanı torpağa tökülmür.
Şəhidin qanı yüzlərcə, minlərcə damla hətta qanlardan təşkil
tapmış dəryaya çevrilir. Həzrəti Muhəmməd (s) buyurmuşdur:
“Allah yanında haqq üstündə axıdılan qandan üstün qan
yoxdur ”. Şəhadət, qanın simvoludur. Bu şəhidlərdirlər ki,
bütün bədən və damarlarında olan qanları ilə azadlığa susamış
milləti, sanki qanları ilə sirab edirlər. Zülmün və haqsızlığın
tüğyan etdiyi bir zamanda, azadlıq çürümüş ağaca bənzər.
Şəhidlər, öz qanları ilə o ağaca su verərək onu dirildib,
cəmiyyətin ixtiyarına verirlər.