Page 54 - Islamic Studies 05

53) / İSLAM ARAŞDIRMALARI JURNALI, Üçüncü il, beşinci sayı (payız-qış / 2024)

düşmənə hücum etdi . Səfiyyə xanım yəhudini qetl edənə kimi
onunla döyüşdü. Səfiyyə xanım İslam tarixinin qızıl
səhifələrinə düşməni qətlə yetirən ilk cəsur xanım olaraq adını
yazdırdı.
Yəhudini öldürdükdən sonra o , döyüş meydanına nəzər
yetirdi. Müsəlmanlar çox təlaşlı idilər. Hətta müharibədən
məğlubiyyət xəbərləri gəlməyə başladı. Nəhayət o, qardaşı

oğlunun başına gələ biləcək ağır hadisənin təhlükəsindən
qorxuya düşərək bir neçə qadınla Ühüd meydanına gəldi.
Qardaşı oğlunun sağ olması , qardaşı Həmzənin şəhid olmasını
eşitdi. Qardaşını görməyə tələsdi. Bundan xəbər tutan
Peyğəmbər (s.ə.a.s) Zubeyrə buyurdu:
-“Ananın qarşısını kəs!”
Zubeyr Peyğəmbərin(s.ə.a.s) əmrinə itaət edərək anasını döyüş
meydanına girməkdən çəkindirdi. Qəlbi parçalanan Səfiyyə
xanım dedi:
-“Məni qardaşımla onun bədəninin tikə-tikə doğrandığı
üçün görüşməyə qoymursunuzsa bu islam yolunda kiçik
birşeydir. Mən bu hadisə ilə razılaşmışam. Mən buna səbr
edərəm və bunu Allah dərgahında hesaba gətirəcəyəm.”
Bundan sonra o , Həzrəti Muhəmmədi (s.ə.a.s.) gördü və
ondan soruşdu:
-“Ya Rəsulullah , atamın oğlu Həmzə haradadır?”
Peyğəmbər ona cavabında buyurdu:
-“O , şəhidlər arasındadır.” Səfiyyə xanım irəli gəldi,
qardaşının parçalanmış bədənini gördü və ağladı. Peyğəmbər
(s.ə.a.s.) də ona qoşulub ağladı. Sonra Peyğəmbər (s.ə.a.s.) iki
əlini Həmzənin sinəsinə qoyub onun üçün dua etdi.
Səfiyyə xanım mətanət və qəhrəmanlığı ilə yanaşı
şairəliyi ilə də tanınmışdır. Rəsuli Əkrəm (s.ə.a.s.) dünyadan
köçdükdən sonra onun üçün söylədiyi mərsiyələr məşhurdur.
Onlardan birinin məzmunu belədir.