Page 261 - Islamic Studies 06

İSLAM ARAŞDIRMALARI JURNALI, Üçüncü il, beşinci sayı (Bahar-Yay / 2024) / 260

Giriş

İslam insanın təkamül proqramıdır və bu proqramın əsas
ünsürünü məhəbbət təşkil edir. İnsan rəftarında ən təsirli
amillərdən biri də məhəbbətdir. Belə ki, insan sevdiyinə tabe
olur. Məhəbbət bilmək və tanımaq sayəsində qazanılır. Ona
görə də, tanımaq məhəbbət, məhəbbət isə itaət gətirir. İnsan
cəmiyyətinin tərəqqisi üçün İslamın nəzərdə tutduğu bu
proqramın gerçəkləşməsində məhəbbət ünsürü o qədər
təsirlidir ki, İmam Baqir (ə) İslam dinini məhəbbətlə
eyniləşdirir və buyurur: “Din məhəbbətdən başqa bir
şeydirmi?”1 Quranın insanlara tanıtdırdığı Allah insanlara
qarşı olduqca mehribandır, onları sevir. “Hud” surəsinin 90-cı
ayəsində Allah-taala buyurur:
“Rəbbinizdən bağışlanmaq diləyin, sonra (saleh
əməllərlə) Ona tərəf qayıdın. Həqiqətən mənim Rəbbim
mehriban və (tövbəkar bəndələrini) sevəndir”. İnsan,
yaradılışdan camal və kamal aşiqidir. O, gözəllik və
yaxşılıqları sevir, pislik və çirkinliklərə nifrət edir. Allah-
taalanın müqəddəs zatı kamal, camal, elm, həyat, qüdrət,
rəhmət, bir sözlə bütün kamil sifətlərin özü – eyni olduğu üçün
bütün sevgilərin başlanğıcı Allah sevgisidir. Hər kim gözəllik
və kamal aşiqidir, onu sevir.
Allah, peyğəmbərlər, imamlar, övliyalar, möminlər, ata-
anaya məhəbbət bəsləmək mərifətdən qaynaqlanır. İnsanın
mərifəti artdıqca, onun məhəbbət və sevgisi də artmağa
başlayır. Bundan əlavə, insan dünyada nəyə məhəbbət
göstərsə, axirətdə onunla məşhur olacaq. Əgər insanın
məhəbbəti Allaha xatir olmasa, Allahın rəhmətindən
uzaqlaşacaq, hətta Allahın insanla düşmənçiliyi ilə
nəticələnəcək. Allah hansısa bir bəndəsini sevmiş olsa, onu
övliya və mələklərinə, yer və göy əhlinə tanıtdırar ki, onlar da
həmin bəndəyə məhəbbət bəsləsinlər. Məhəbbət əsən küləyə