Page 225 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY

1
Müəllif: Dr. Əfzələddin Rahimov (Azərbaycan)
Bu məqalədə, İbrahimi dinlərdə; yəni yəhudilik, məsihilik və islamda
Pryğəmbərlik haqda olan fikirlər sizlər üçün açıqlanacaq və sonda
müqayisə olacaq:
YƏHUDİLİKDƏ PEYĞƏMBƏRLİK
Yəhudi dininə müraciət etdikdə, başqa dinlərlə fərqli bəzi cəhətlərin şahidi
oluruq. Bu dində, Allah-təala öz xüsusi qövmünə, İsrail övladlarına nəzarət
edir, onu himayə altına alır, bu tayfanı doğruluğa dəvət etmək, xilas etmək
və yaxud cəzalandırmaq üçün natiqlərini və peyğəmbərlərini göndərir. Bu,
yəhudi dinində peyğəmbərlərin göndərrilməsinin fəlsəfəsidir.
Qeyd etdiyimiz natiqlər, peyğəmbərlər və nəbilərin bütün sözlədikləri
Allahın (Yəhvənin) sözüdür. Onların əmrləri və fərmanları Allahın əmr və
fərmanı sayılır. Buna görə də, Əhdi-ətiqdə nəbilərin tarixi və sözləri və
onlar haqqında hər nə varsa, deməli bir mənalı olaraq Allahın bəndələrinə
söylədiyi şəhri-haldır.

Əhdi-ətiqdə "nəbi" kəlməsi haqda
Əhdi-ətiqdə "nəbi" kəlməsi müxtəlif məqamlarda fərqli mənalarda işlədilir.
Əhdi-ətiqin "nəbi" adlandırdığı bəzi şəxslər sadəcə kahinlərdir. Əlbəttə,
onların arasında müşrik kahinlər, yalançı nəbilər, təbliğatçı nəbilər və
Yəhvənin həqiqi nəbiləri də mövcuddur.
Belə ki, Əhdi-ətiq İsrailin padşahı İzabelin 450 müşrik peyğəmbər-kahini
olduğunu söyləyir. "İsrail padşahı dörd yüzə qədər peyğəmbəri topladı və
onlara dedi: "Vuruşmaq üçün Ramot-Gileada gedim ya getməyim?"2
İlyas peyğəmbər bu 450 müşrik peyğəmbər-kahini birdəfəlik öldürtdü.
O üzünü padşaha tutaraq deyir ki, İsraili mən yox, sən və atanın evi dərdə
saldınız. Siz Rəbbin əmrlərindən dönüb Baal bütlərinə xidmət etdiniz. İndi
bütün İsrailliləri, İzevelin süfrəsində yemək yeyən dörd yüz əlli Baal
peyğəmbərini və dörd yüz Aşera peyğəmbərini Karmel dağına, yanıma çağır.

1. elmi-işçi, Əl-Mustafa BeynəlxalqVirtual Universitet, Qum, İran, rahimli80@mail.ru
2. Padşahlar (1), 22:6