Page 224 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 146

Yalançı nəbilər haqqında isə yenə Əhdi-ətiqdə oxuyuruq: "Rəbb mənə
dedi: Peyğəmbərlər Mənim adımla yalançı peyğəmbərlik edir. Onları Mən
göndərməmişəm, onlara əmr edib söz deməmişəm. Sizə peyğəmbərlik
etdikləri şeylər yalan bir görüntü, falçılıq, boş bir şey, öz ürəklərinin
2
uydurmasıdır."
Əlbəttə, diqqət etmək lazımdır ki, Əhdi-ətiqdə yalançı kahinlər
peyğəmbər adlandığı kimi, həqiqi peyğəmbərlər də, qeybdən xəbər
verdikləri üçün kahin-görücü adlandırılmışdır. Bunun üçün də, Müqəddəs
kitabı oxuduğumuz zaman bu qarışıqlığı nəzərdə almalıyıq. "Əvvəllər
İsraildə Allahın iradəsini öyrənmək üçün gedəndə adamlar belə deyərdilər:
«Gəl görücünün yanına gedək». O vaxt peyğəmbərləri görücü
3
adlandırırdılar."
Yalançı peyğəmbərlər və kahinlər müxtəlif zikrlər oxuyub, çalıb oynayıb
özlərindən gedir və qəşş edir, sonra isə gələcəkdən xəbər verirdilər.
Maraqlıdır ki, bunlar Əhdi-ətiqdə sərt tənqid edilir. Amma elə həmin
kitabda yazılanlara görə, bəzi peyğəmbərlər də, vəhy aldıqları zaman çalıb
oynayır və zikrlər söyləyib özlərindən gedirdilər. Şaul Filişt keşik dəstəsinin
olduğu yerə Giveat-Elohimə çatdığı zaman, şəhərə daxil olduqda,
səcdəgahdan enən bir peyğəmbər dəstəsinə rast gəlir. Onların qarşılarında
çəng, dəf, ney, lira çalınır və onlar peyğəmbərlik edir. Onda Rəbbin Ruhu
Şaulun üzərinə qüvvə ilə enir və o da, onlarla birgə peyğəmbərlik edir.
4
Dönüb tamam başqa bir adam, yəni; peyğəmbər olur.
Əhdi-ətiqdə Allah daim yalançı peyğəmbərlərdən uzaq durmağı və onlara
aldanmamağı tapşırır.

1. Padşahlar (1), 18:18-20 və 40
2. Yeremya 14:14
3. Şamuel (1) 9:9
4. Şamuel, 10:5-11; 19:20-24