Page 74 - Pure Life 04

HƏYA DİNİ VƏ MİLLİ-MƏNƏVİ DƏYƏRİMİZ KİMİ /73

Allahın Peyğəmbəri (s): “Hər dinin öz təbiəti vardır,
İslamın təbiəti də həyadır.” (6, hədis № 5757).
İmam Sadiq (ə): “Həyası olmayanın imanı yoxdur.” (7,
c. II, səh. 106 , hədis № 5).
Həyanın qınanıldığı hallar haqqında Allahın
Peyğəmbəri (s) belə buyurur: “Həya iki növdür: əqldən
doğan həya və ağılsızlıqdan törəyən həya. Əqlin həyası
elmdir, axmaqlığın həyası isə cahillik.” (5, c. 77, səh. 149
, hədis № 75).
İmam Əli (ə): “Utancaqlıq məhrumiyyətə yaxındır.” (6,
hədis № 6714).
İmam Əli (ə): “Utancaqlıq ruzinin yolunda maneədir.”
(6, hədis № 274).
İmam Əli (ə): “Kim haqqı deməyə utanırsa axmaqdır.”
(6, hədis № 8650).
Həyasızlığın nəticəsi çox ağır olur. Bunu nəzərə alan
Allahın Peyğəmbəri (s) belə bəyan edir: “Peyğəmbərlərin
(ə) misallarından xalq arasında bu sözdən başqa bir şey
qalmayıb: “Həyan olmasa, istədiyin hər işi et.” (8, c. II,
səh. 95, hədis № 207).
İmam Əli (ə): “Xalqdan həya etməyən kəs, Sübhan olan
Allahdan da həya etməz.” (6, hədis № 9071).
Allahın Peyğəmbəri (s): “Allahdan öz yaxşı qonşularından
həya etdiyin kimi həya et. Çünki Allahdan həya etmək
əminliyi artırar.” (5, c. 78, səh. 200, hədis № 28).
Allahın Peyğəmbəri (s): “Hər biriniz gecə və gündüz
sizin kənarınızda olan iki mehriban qonşudan həya
etdiyiniz kimi, özünüzlə birgə olan iki mələkdən də həya
etməlisiniz.” (9, hədis № 5751).
İmam Kazim (ə): “Aşkarda insanlardan həya etdiyiniz
kimi, gizlində də Allahdan həya edin.” (10, səh. 394).