Page 138 - Islamic Studies 01

Qadınların ictimai mövqeyi quranda / (137

nəzərində kişinin ailədə olan başçılığı və hakimiyyəti ona heç
bir üstünlük vermir. Yəni kişinin bu işi heç də onun uca
məqam sahibi olmasını çatdırmır. Yuxarıda qeyd etdiyimiz
ayədən də kimsə üstünlük və hakimlik başa düşürsə, məlumdur
ki, ayədə olan "qivam" kəlməsini düzgün təfsir edə və
mənalandıra bilməmişdir. Mövzunun əsli mətləblərini
araşdırmazdan öncə, (qəvvamiyyət sözünün mənasına) qadının
İslam dinində hansı məqam və şəxsiyyətə malik olmasını
araşdırmağı vacib bildik.
1) Qadın evin əsas təməli kimi:
Məlumdur ki, qadın ailənin əsasını təşkil edən iki nəfərdən
biri olmaqla yanaşı dünya ictimaiyyətinin də (demək olar ki,)
yarıdan çoxunu təşkil edən bir varlıqdır. Əgər tarixin
səhifələrinə baxsaq qadına qarşı bir çox amansız
məhkəmələrin şahidi olarıq. Yəni tarix boyunca qadın ictimai
səhnələrdən təcrid edilmiş və bir sıra məhrumiyyətlərə məruz
qalmışdır. Düzdür ki, bəzi vaxtlar müxtəlif ölkələrdə və ya
tayfalarda qadına azadlıq verilmişdir. Amma onların zəif
məxluq olduqları üçün daim zülmə məruz qalmaları inkar
olunmazdır. Məsələn: Qadınların cahil ərəb tayfalarında qul
kimi işlədilməsi, qız uşaqlarının diri- diri basdırılması,
öldürülməsi, bazarlarda satılması və sair kimi misallar
göstərmək olar. Bütün bu saydıqlarımız qadının tarix
1
səhifələrində olan acı xatirələridir. Həmçinin qadınlara qarşı
olan radikal fikirli kişiləri və ailədə qolunun gücündən istifadə
edən ailə başçılarını bu gün də ictimai səhnələrdə müşahidə
edirik.
Sadəcə bu bir neçə misalı burada qeyd etməklə İslam dininin
qadına qarşı olan hüsnü- rəğbətini açıqlamaq istəyirik.

1. Quranda Pəjuheşlər, səh. 25-26, yay. Bahar, 1380