Page 128 - Islamic Studies 03

İlahi rəhmət axirətdə/ (127

Sonra da iman gətirən və bir-birinə səbr tövsiyə edən,
mərhəmət tövsiyə edən kimsələrdən olmaqdır! (Bələd surəsi
17-18).

BEHİŞTİN QAPILARI

“Zümər” surəsinin 73-cü ayəsində behiştin qapılarından söz
açılır:

“Rəbindən qorxanlar (təqvalılar) dəstə-dəstə cənnətə tərəf
aparılarlar.” Behişt əhlinin “təqva” (Allahdan qorxu) xislətinin
xüsusi qeyd edilməsi onun böyük əhəmiyyətini, behiştə daxil
olmaqda mühüm rolunu aşılayır.

“Nəhayət, onlar ora (behiştə) çatanda, onun qapıları (onların
üzünə) açılar.” Öncə cəhənnəmin qapıları ilə bağlı qeyd edilən
incə mətləblər bura da aiddir.
“Onun gözətçiləri onlara deyərlər: Salam olsun sizə, (həm
cismi, həm də ruhi baxımdan) pak oldunuz. Buna görə də,
əbədi məskunlaşmaq üçün ora daxil olun!” Bu ayədə də
behiştin qapılarından söz açılsa da, onun təfərrüatı və sayı
haqda Qurani-Kərimdə məlumat verilmir.
1
İnsanın sadəcə bədəninin dəyəri behiştdir. Yüksək məqamlı
möminlər Allahla görüşün ləzzətindən behişt neymətlərini də
görmürlər.

İbadur rəhman (Ayətullah Məkarim Şirazi) 1