Page 150 - Islamic Studies 03

Quranın Hərtərəfli olmaq …/ (149

Fiqh mövzusuna aid olan ayə və hədislər

Fiqhi ayələrə işarə etmədən öncə, yaxşı olar ki, “Fiqh”
sözünün mənası ilə tanış olaq. Fiqh sözü ərəbköklü bir sözdür
və şəriət, dini qanunlar və əhkamlar anlamını daşıyır. Deməli “
Fiqhi ayələr” dedikdə, dini əhkamlar və qanunlar barədə olan
ayələr nəzərdə tutulur.

Quranda çox sayda Fiqhi ayələr var və alimlərin baxışlarına
görə o ayələrin sayı fərqlidir. Bəzi alimlərin fikrinə əsasən

Quran ayələrinin dörddə bir hissəsi Fiqhi ayələrdir. Bəzi
alimlər isə Quran ayələrinin üçdə birinin Əhkam ayələri
olduğunu bildirirlər.

Şiə alimlərinin çoxu bu qənaətdədir ki, Qurandakı Fiqhi
ayələrin sayı 500 ayədir. Əlbəttə 500 ayə ilə kifayətlənib,
Quranın digər ayələrinin şəriətə aid olmadığını da düşünmək
yanlış olar.

Çünki ola bilər bir alimə görə müəyyən ayə şəriət qanunlarını
sübut etmək üçün mənbə sayılmasın, amma digər alimin
fikrinə və düşüncəsinə əsasən, həmin ayə hər hansı bir şəriət
qanunu üçün dəlil hesab olsun. Bunu nəzərə alaraq bu qənaətə
gəlirik ki, Qurandakı şəriət ayələrinin sayı ən azı 500 ayədir və
alimlərin Fiqh elmində istifadə etdiyi qanunlar və
düşüncələrini nəzərə alsaq, həmin ayələrin sayı qeyd olunan
rəqəmdən daha çox ola bilər.

“Fiqh” sözü və Qurandakı şəriət ayələrinin ümumi sayı ilə
tanış olduqdan sonra, aşağıda bəzi şəriət ayələrini nümunə
olaraq gətiririk.