Page 155 - Islamic Studies 03

154) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

Əgər insanın namazı qəbul olarsa, başqa ibadətləri də qəbul
olar, yox əgər namazı qəbul olmasa, digər əməlləri və
1
ibadətləri də qəbul olmaz.
Hədisə diqqət etək, görərik ki, Peyğəmbər (s.ə) açıq şəkildə
namazı digər ibadətlərdən daha üstün hesab edir. Bu hədisi
oxuyanda, iki mühim nöqtəni başa düşmək olur. İlk olaraq
bunu anlayırıq ki, namaz dinin əsası və köküdür. Yəni hər bir
şeyin kökü və əsası olduğu kimi, islam dininin də kökü var.

Misal üçün ağacın kökü var və onun kökü sağlam olmasa,
budaq, yarpaq, meyvə, kölgə və digər faydalı xüsusiyyətləri

aradan gedər. Ona görə də kökü zəif olan, və ya kökü çürümüş
bir ağacın yaxın bir zamanda məhv olma ehtimalı olduğu kimi,
namaz qılmayan və ya namazında səhlənkarlıq göstərən bir
insanın imanı, inancı və xeyir işlərinin savabı da məhv olub,
aradan getməsi bir reallıqdır. Yəni namaz qılmayan insanın
“Müsəlmanam” deyib, buna arxayın olaraq, namazdan uzaq
düşməsi, ona fayda verməz. Çünki namaz islamın köküdür.

Hədisdən başa düşdüyümüz ikinci mühim nöqtə isə budur ki,
edilən ibadət və yaxşı əməllərin qəbul olma şərti, namaz
qılmaq və qılınan namazı qəbul olma həddinə çatdırmaqdır.
Yəni əgər ibadət və yaxşı əməllərimizin Allah tərəfindən qəbul
olmasını istəsək, gərək namaz qılaq və qıldığımız namazın
qəbul olma şərtlərinə riayət edək.

Başqa hədisdə isə Peyğəmbər (s.ə) belə buyurur: Allah
qatında əməllər içərisində ən bəyənilər iş, namazı ilk vaxtında

Vəsailuş-Şiə, c.3.səh.22. 1