Page 319 - Islamic Studies 03

318) / İSLAM ARAŞDIRMALARI JURNALI, İkinci il, Üçüncü buraxılış (payız-qış /2023)

edən valideyn özü, onun saatlarla müxtəlif cizgi filmlərinə
baxmasına şərait yaradır. Hətta övladının bu halına şükür edir.
Halbuki elə məhz bu cizgi filmləri övladının gələcək düşüncəsini,
həyatını formalaşdırır, onun dinsiz, asi, ipə-sapa yatmayan,
ailəsindən qopuq şəkildə formalaşmasına ən gizlin və "mehriban"
köməkçi olur. Düşüncəyə yeridilmiş əqidələr insanı o qədər
dəyişə bilir ki, onun zahiri siması belə öz millətindən çox,
düşüncəsini daşıdığı millətin simasına bənzəyir. Əgər biz diqqət
etsək cəmiyyətlərdə bir çox belə insanların varlığına şahid ola
bilərik.

İqtisadi hücumlar
İqtisadiyyata qarşı olan hücumlar ölkələri uzunmüddətli
böhrana sürükləyir. Düşmən, ölkələrə qarşı sanksiya tətbiq
etməklə, embarqo qoymaqla, dünya birjalarında ABD dollarının
və avronun dəyər qazanması sayəsində süni infilyasiya
yaratmaqla ölkələrin iqtisadi təməllərini ciddi sarsıntılara məruz
qoya bilir. Hədəfə alınan ölkələr, təbii ehtiyatlar baxımından
zəngin və ehtiyacsız olsa da, onlar idxala vadar edilir, yerli
istehsalın qarşısında maneələr yaradılır.
Bundan başqa düşmən, müxtəlif ölkələri kredit borcları almağa
vadar etməklə onları özlərindən iqtisadi cəhətdən asılı hala
gətirirlər. Əhali arasında, onların gəlirlərinin qarşılaya
bilməyəcəyi qədər istehlak təlbi yaratmaqla, süni marketinq
hiylələri ilə, insanlar borc tələlərinə salınır. Banklar, müxtəlif
kredit təşkilatları bu işdə aparıcı rol oynayır. Bununla yanaşı
yüksək faizlə borc verən lombardlar və riba ilə məşğul olan fiziki
şəxslər də ağır iqtisadi vəziyyətdə olan əhalini iqtisadi çəhətdən
çöküşünü sürətləndirir. Belə ki hazırda, banklara, kredit
təşkilatlarına, məişət əşyalarının satıldığı dükanlara borcu
olmayan ailələri barmaqla saymaq olar. Lombardlardan yüksək