Page 320 - Islamic Studies 03

Svilizasiyalararası toqquşmalarda müsəlmanların əsas işi/ (319

faizlə borc götürmüş insanlar çox zaman bu bataqlıqdan heç cür
qurtula bilmirlər. Sadaladığımız iqtisadi prolemlərin ağır
məngənəsindən qurtula bilməyən və bu səbəbdən də ağır
psixoloji problemlərlə üzləşən insanlar intiharı çıxış yolu olaraq
görürlər.
Təsadüfi deyildir ki, din alimlərimiz zərurət olmadan banklar
qarşısında borclanmağa icazə vermirlər. Bir neçə il öncə
ölkəmizdə önəmli bir hadisə baş verdi. Tarixdə ilk dəfə olaraq bir
mərcəyi-təqlid – Ayətullah Nuri Həmədani – ölkəmizə səfər etdi.
O cənab öz çıxışlarından birində xalqımıza iki mesaj verdi.
Onlardan biri ümmət arasında vəhdəti qorumaq, ikincisi isə
kredit təşkilatlarına və banklara borclu olmaqdan çəkinmək idi.
Çünki düşmən bu iki məqamdan xüsusi incəliklə istifadə edir;
vəhdəti aradan aparmaqla xalqı mənəvi zəlalətə, əhalinin böyük
hissəsini borclu etməklə isə onları maddi zəlalətə sürükləyir.
Sonra da özünü xilaskar kimi təqdim edib xalqı özünə minnətdar
etməklə qul səviyyəsinə endirir.

Axirətə inamı dünyapərəstlik və materializmlə
əvəzləmək
Son iki əsrdə yaranmış anti-din fəlsəfi görüşlərdən biri
materializmdir. Bu zahirən fəlsəfi bir görüş olsa da, onun
məqsədyönlü şəkildə siyasilər tərəfindən yaradıldığına inanılır.
Materializm materiyanı var olmanın əsası və başlanğıcı olaraq
təqdim edir.
Ümumiyyətlə XIX-XX əsrlərdə yaranmış fəlsəfi və ictimai
cərəyanların əksəri materialist, qeyri-dini və ya antidin
istiqamətə malik olmuşdur. Maraqlıdır ki, bu görüş iki əsr öncə
Qərbdə sənayenin inkişafa başlaması ilə meydana gəlmişdir.