Page 296 - Islamic Studies 04

Şəhidlik, azadlığa aparan yol/ (295

Şəhidə qusl verməmək vacibdir, ya müstəhəb?
Cavab:
1)İslamın hər iki məzhəb alimlərinin məşhur nəzəri: vacibdir
ki, şəhidə qusl verilməsin. Qusl vermək düzgün deyil. Çünki
hədislərimizdə "şəhidə qusl verməyin" deyə qadağa vardır. Bu
qadağanın günah, ya məkruh olmasını dəqiq bilmək üçün bu
hədisin əksini tapmalıyıq. Əksi isə yoxdur. Deməli qusl
vermək olmaz. (Usul elminin qanunlarının tətbiqi ilə)
2)Şəhidin bədəninə toxunmaqla, insanın boynuna məssi
meyyit quslu (meyyitə toxunmaq quslu) gəlməz. Çünki o, qusl
verilmiş ünvanındadır.
Təhrirul vəsilə. Cild 1, səhifə 63.

Malını, canını, namusunu qoruyanda ölən şəxsə, elm tələb
edərkən ölən tələbəyə, ailəsinin təminatı yolunda ölən insana
və ya övladını dünyaya gətirən vaxt vəfat edən anaya qusl
verilməlidirmi?
Cavab:
Şiə alimlərinin ümumi rəyi budur ki, bu şəxslər şəhid
hökmündə deyillər. Gərək bunlara qusl verilsin. Amma
şəhidlik bir neçə növ olduğu üçün şəhidlik savabını qazanırlar.
Amma sünni fiqhində fərqli fikirlər vardır:
1)Əvzai məzhəbinin banisi Əbdurrəhman Əvzai və Hənbəli
məzhəbinin banisi Əhməd ibn Hənbəl bildirmişlər ki, bu
şəxslər də şəhid hökmünə daxildir. Yəni qusl verilməz.
Bidayətul muctəhid. Cild 1, səhifə 227.
2)Maliki məzhəbinin banisi Malik ibn Ənəs Əsbəhi, şafei
məzhəbinin banisi Muhəmməd ibn İdris Şafei və hənəfi
məzhəbinin banisi Əbu Hənifə (əsl adı Noman ibn Sabit; 2 il