Page 214 - Islamic Studies 05

213) / İSLAM ARAŞDIRMALARI JURNALI, Üçüncü il, beşinci sayı (payız-qış / 2024)

qanunları var idi. Monasterionlar ən məşhur rahibləri
tərəfindən idarə olunurdular. Antoniusun dövründə daha bir
tanınmış rahib yaşamışdı. Onun adı Ammonius idi. O da Misir
səhrasında öz koloniyasını yaratmışdır. Burada onlar gündəlik
əmək və ibadətlərlə məşğul olmuşdurlar.
Dəyərli alim Hüseyn Tofiqi yazır: “ Həvarilərin zamanından
indiyədək bəzi xristianlar həzrət İsa Məsihin (ə.) ardıcılı olaraq

rahiblik və tərki- dünyalıq prinsipi əsasında yaşamağı üstün
tutmuşdur.Həzrət İsa (ə.) heç bir zaman evlənməmiş və bəzi
şəxslərin “ Səmavi Padşahlıq” üçün subay qalacağını
1
söyləmişdir.”
Onu da deyək ki,Xristianlıqda qəbul edilən rahiblik islam
nöqteyi- nəzərindən nəinki bəyənilməyən, hətta qəbul
olunmayan bir məsələdir. İslam Peyğəmbəri Hz. Mühəmmədin
(s.) “ İslamda rahiblik yoxdur” ifadəsi sanki, cəmiyyətə bir
mesajdır. İslam bir ictimai din olaraq gətirdiyi ehkam və
qanunları ilə cəmiyyətdən təcrid olunmadan ibadət və itaətin
əsaslarını öz ardıcıllarına öyrədir.Düzdür, gecə münacatları,
Uca Yaradanla razu-niyaz etmək,nəfsin hesaba çəkilməsi,
etikaf kimi əməllər təklikdə aparılsa da, ümumilikdə islam
teologiyası islam cameəsinin əsas və prinsiplərini təqdim
etməklə ictimai bir varlıq olan insanı yetişdirməklə məşğuldur.
Qeyd edilən əməllər isə yorğun cəmiyyətdən qısa bir ara ilə
uzaqlaşıb ruhunu sakitləşdirməklə “kamil insan olmaq”
hədəfinə hesablanıb.

Qərb dünyagörüşündə dini- fəlsəfi məfkurənin
formalaşması

Orta əsr fəlsəfəsi monoteizm prinsipinə əsaslanan xristianlıq
dini dünyagörüşü üzərində qurulmuşdur. Bu dövr Roma

1 Hüseyn Tofiqi, “ Böyük dinlərlə tanışlıq”, səh 221