Page 173 - Islamic Studies 06

İSLAM ARAŞDIRMALARI JURNALI, Üçüncü il, beşinci sayı (Bahar-Yay / 2024) / 172

Eşqi heç bir əqli və şəri səbəb olmadan nifrətə çevirmək
Haqqın neməti qarşılığında naşükürlük, onu qorumaq isə
dünya və axirət sevincinin qarantıdır.
2- Birbirinizə qarşı xoşrəftar və xoşəxlaq olun
Möhkəm ailə quruluşuna sahib olmağın yollarından və
əsas amillərindən biri də, xoşrəftarlı olmaqdır. Allahın elçisi
(s) buyurur: "Xoşrəftarlı olmaq, sevgini möhkəmləndirir."
Qadın və kişi özlərinin və övladlarının səadəti naminə
Quranın və rəvayətlərin təkid etdiyi bir çox əxlaqi məsələlərə
riayət etməlidirlər. Gözəl əxlaq sahibi olub, əxlaqi
çirkinliklərdən qorunmaq çətin iş deyil. Əxlaqi məsələlərə
riayət etmək, az bir müddətdə əxlaqi çirkinliklərdən çəkinmək
mümkün olan işdir. Bu, ilahi yolu asanlaşdırır, ailəni
möhkəmləndirir və qarşılıqlı məhəbbəti gücləndirir. Bu,
digərlərinə, xüsusilə də ailənin övladlarına nümunəvi əxlaq
dərsi təsirini bağışlayır.
Əxlaqi xüsusiyyətlərin icrası ailə həyatına səmimiyyət,
əmniyyət, eşq və məhəbbət bəxş edərək, həyatı baldan da şirin
edir.
Bu da, həm kişinin və həm də, qadının üzərinə düşən bir
vəzifədir. Anacaq kişi ailənin rəhbərliyini öhdəsinə aldığı
üçün, dinimizdə, xoşrəftarlı olmaq daha çox ona tövsiyə
edilmişdir. Ənəs ibn Malik rəvayət edir ki; Allahın elçisindən
soruşdular: Hansı möminin imanı daha kamildir?
Buyurdu: "Ailəsi ilə yaxşı davranan şəxsin."
Başqa bir hədisdə buyurur: "Ən imanlı insanlar, xoş
xasiyyətli olanlar və ailələrinə qarşı ən mehriban olanlardır.
Mən sizlərin arasında, ailəsi ilə ən mehriban davranan
şəxsəm."
Bununla belə ki, qadın və kişinin qarşılıqlı olaraq bir-
birilərinə gözəl davranması, sağlam ailə quruluşunun
yaranmasında zəruridir, Qurani-kərim kişilərə belə buyurur: