Page 285 - Islamic Studies 06

İSLAM ARAŞDIRMALARI JURNALI, Üçüncü il, beşinci sayı (Bahar-Yay / 2024) / 284

“nər”də (od) məqsəd isə İslamdan öncəki dava-dalaşlar,

müharibələrdir”.

Millətlərin səadətinin maneəsi ixtilaf və təfriqədir
Aşkardır ki, cəmiyyətin inkişafı milli vəhdət və fərdlərin

bir-biri ilə uyğunluğu sayəsində ələ gəlir. Şəhid Mütəhərrinin
təbiri ilə desək: Şübhə etmək olmaz ki, bir cəmiyyətin inkişafı
nəinki münaqişələrin, dava-dalaşların, ixtilafların,
ziddiyyətlərin, əksinə, həmfikirliyin, uyğunluğun, bərabərliyin,

qarşılıqlı köməyin vasitəsilə gerçəkləşir. Həqiqətdə
cəmiyyətdə çoxluqlar, ayrılıqlar, ixtilaflar vəhdətə hər nə qədər

yaxın olarsa və mübahisələr, ziddiyyətlər öz yerini hər nə
qədər köməyə, həmrəyliyə daha çox verərsə, o cəmiyyət daha
kamil olar.”
Buna görə də, həzrət Əli (ə) hamını təfriqədən çəkindirir

və buyurur: “Təfriqə və parçalanmadan çəkinin.”
Necə ki, xeyir və səadəti təfriqəni, parçalanmanı tərk
etməkdə bilir, buyurur:

“Allah-taala heç kimi təfriqə ilə xeyirə və səadətə
çatdırmaz.”

Vəhdətin gücü
Fundamenti ixtilaf, parçalanma və pərakəndəliyə meyl ilə
qoyulmuş bir cəmiyyətdə həmişə müharibə və dövlət

münaqişələri olar və belə bir cəmiyyətin üzünə yoxluq, məhv
olmaq açıqdır.
İmam Əli (ə) təfriqəni cəmiyyətin zillətinin amili sayır və
bu zəminində buyurur: “Keçmiş ümmətlərin aqibətinə yaxşı