Page 128 - Pure Life 02

242/ PURE LIFE, Vol.2.No.2, (Ramadan Mubarak 1436. Tir 1394. July. 2015)

Üç üqnum İslam baxımından
Qurani-kərimin ən əsaslı və köklü məsələlərindən olan tövhid anlayışı, İlahi
mərifətlərin birincisi olmaqla yanaşı İslam dinində olan bütün məsələlərin
istisnasız şəkildə dayaq nöqtəsidir. Həmçinin, Quranda göstərilən peyğəmbərlərin
heç birinin vahid Allaha doğru çağırışları bu kitabda zikr olan səmavi dinlərin
bir tanrı tərəfindən göndərilmələri, İslam Tövhid inancını ləkələyən və ona
şübhə oyadacaq ən kiçik fikirlərlə belə mübarizəsini bir daha açıq şəkildə
bəyan edir. Elə buna görə də, Qurani-kərim İlahi Tövhiddən uzaq düşməyi
bağışlanmayan bir günah sayaraq buyurur: «Allah-Taala heç vaxt ona şərik
qoşmağı bağışlamaz. Lakin əgər bundan başqa günah olarsa (ilahi məsləhəti
olduğu halda) istədiyi şəxsi bağışlayır.» (Nisa, 48)
Deməli İslamda şirk və tövhiddən uzaq düşmək necə böyük bir
günahdırsa, Allah-taala bütün günahları məsələhət bildiyi zaman bağışlayır,
lakin şirki heç bir vaxt bağışlamağa hazır deyil. Hətta müqəddəs Quranda
müşrik insanın yaxşı əməlləridə İlahi yanında puç və dəyərsiz sayılır:
«Sənə və səndən qabaqkı bütün peyğəmbərlərə vəhy olunmuşdur ki, əgər
müşrik olsanız əməllərinizin hamısı hədər olacaqdır. Və əlbəttə ki, ziyan
görənlərdən olacaqsınız.» (Zümər, 65)
Müqəddəs Quran həmişə «üç üqnum əqidəsi»ni və Allaha şərik qoşan
bütün əqidələri batil sayaraq, belə bir inanc sahiblərini nifrin etmişdir. Buna
nümunə olaraq bir necə ayəyə işarə edirik:
1. «Həqiqətən də Allah üçdür deyənlər kafir oldular. Allahdan başqa
bir Allah yoxdur. Əgər onlar (Məsihilər) öz dediklərindən əl
çəkməsələr o kafirləri böyük əzab gözləyir!» (Maidə, 73)
2. «Yəhudilər dedilər: Üzeyir Allahın oğludur. Xristianlar dedilər:
Məsih Allahın oğludur. Onlar öz sözlərilə özlərini küfr edənlərə
oxşadırlar. Allah onları öldürsün. Yenə Allaha böhtan atırlar.»
(Tövbə, 30)
3. «Allah, Məryəm (ə) oğlu məsihdir deyəndər kafir oldular. Bir halda
ki, Məsih dedi: Ey Bəni İsaril, mənim və sizin rəbbiniz olan Allaha
ibadət edin. Allah, ona şərik qoşana Cənnəti haram və Axirətin isə
Cəhənnəm etmişdir.» (Maidə, 78)