Page 179 - Pure Life 02

191/ PURE LIFE, Vol.1.No.2, (Ramadan Mubarak 1436. Tir 1394. July. 2015)

7. Allah-təala öz dinini və tövsiyələrini peyğəmbərlərin vasitəsilə
bəyan etməklə onların həyatına məna bəxş edir və dəyər qazandırır.
Ümid və həyat eşqi verir. Əsl həyatın nə olduğunu anladır.
8. Allah-təala öz dinini və tövsiyələrini peyğəmbərlərin vasitəsilə bəyan
etməklə onların həyatına aramlıq, rahatlıq, əmin-amanlıq əta edir.
9. İlahi peyğəmbərlər bəşəriyyətə mədəniyyət, sivilizasiya, incəsənət
bəxş edir.
10. İlahi peyğəmbərlər kamil insan yetişdirmək, ali ilahi tərbiyəni
anlatmaq üçün göndərilir.
11. İlahi peyğəmbərlər ictimai birliyə təkan verir.

iii. E. Peyğəmbərləri tanımağın yolu
1. Möcüzə. Peyğəmbərləri tanımağın ilkin yolu möcüzə göstərmələridir.
Əlbəttə, dinimizdə möcüzənin xüsusi şəraiti və əlamətləri vardır ki onu
başqa əməllərdən fərqləndirir.
- Möcüzə xariqüladə bir əməldir. Maddi dünyanın və təbiətin
adi qanunları ilə uyğunlaşmır. Amma ilahi əzəməti və
qüdrətinin əhatə dairəsi daxilindədir. Əlbəttə bu, o demək
deyildir ki, möcüzə qeyri-mümkün və olması heç bir şəkildə
baş tutmayan əməldir. Xeyir, sadəcə olaraq maddi aləmin adi
qanunları ilə uzlaşmayan bir əməldir. Yaxud səbəbi bizə
məlum olmayan xariqüladə əməldir. Məsələn; çarəsiz xəstəliyə
tutulmuş bir şəxsin dərmansız sağalması və ölmüş şəxsin
dirilməsi kimi.
- Möcüzə peyğəmbərlik iddiası ilə birgə olmalıdır.
- Möcüzə başqasının onu təkrar etməsi tələbi və bunun mümkün
olmayacağını iddia etməklə birgə olmalıdır.
- Möcüzə məğlub edilməməlidir.
- Möcüzə iddia ilə uyğun olmalıdır. Məsələn; yarısı su olan
quyunun suyunu doldurmaq iddiası ilə olub, amma suyun
qurumasına səbəb olan əməl artıq möcüzə deyil. Hətta qeyri-adi
- bir əməl sayılsa da.
- Möcüzə təlim və tədrislə əncam verilməli bir əməl
olmamalıdır.