Page 180 - Pure Life 02

İBRAHİMİ DİNLƏRDƏ PEYĞƏMBƏRLİK VƏ VƏHY/ 190

Qurani-Kərim buyurur: «Məhəmməd, siz kişilərdən heç birisinin atası
deyildir. O, Allahın elçisi və peyğəmbərlərin axırıncısıdır. Və Allah hər bir
şeydən xəbərdardır.» (Əhzab, 40)

D. Peyğəmbərlərin (ə) göndərilməsinin faydaları
İlahi peyğəmbərlərin (ə) göndərilməsinin faydaları haqda danışdığımız
zaman bir çox məsələlərə diqqət etmək məqsədə uyğundur. Necə ki,
1
dəyərli islam alimləri öz qiymətli kitablarında bu məsələyə müxtəlif
aspektlərdən yanaşmışlar:
1. İnsan ağlı bəzi məsələləri düzgün anlayır, amma bəzi məsələləri
anlamaqda acizdir. Din və peyğəmbərlər ilahi tövsiyələrlə ağlın
anladığı məsələləri təsdiqləyir, anlaya bilmədiklərini isə açıqlayır.
2. Peyğəmbərlər insan qəlbindəki qorxunu aradan aparır. Çünki insan
ondan nə tələb olunduğunu bilmir. Allah haqqında araşdırma
aparmağa, Ona ibadət etməyə icazəsi varmı, yoxsa buna icazə
verilmemişdir. Peyğəmbərlər Allah tərəfindən bəndənin Ona ibadət
etməsinə və sair məsələlərə icazə verildiyini bəyan edir.
3. İnsan nəyin yaxşını və nəyin pis olmasını həmişə və hər bir sahədə
dərk edə bilmir. Bəzisini dərk edir, bəzisini dərk etməkdə isə
acizdir. Peyğəmbərlər göndərildiyi zaman onun dərk etdiklərinin
düzgünlüyünü təsdiq edir, dərk etmədiklərini və yanlış
anladıqlarını isə bəyan edir.
4. İnsan nəyin ona xeyir və nəyin ziyan olmasını bəzi məqamlarda
tam dəqiqliyi ilə anlaya bilmir. Peyğəmbərlər insanını bunu
anladığı məqamlarda təsdiq edir, anlamadığı məqamları isə bəyan
edir. Həmçinin insan zaman keçdikcə xeyir və ziyanını anlayır.
Amma bunun üçün uzun bir sürə və zaman keçməsi tələb olunur.
Peyğəmbərlər öz ilahi kəlamları ilə insanlara bu haqda yardım edir.
5. Peyğəmbərlər (ə) ilahi qanunu bəyan edir, ictimai-sosioloji
nizam-intizamın təməlini qoyur.
6. Peyğəmbərlər əməllərin hansı savab-mükafata, əzab-cəzalandırmağa
malik olmasını bəyan edir ki, insanlar öz yolunu daha düzgün seçə
bilsin.

1. Xacə Nəsrəddin Tusi, "Təlxisul-mühəssəl", səh 44